މިސްކިތްތަކުގެ ބޭނުން ހިފޭ ގޮތް އިތުރު ކުރަންޖެހޭ: ޑރ ޝަހީމް
މިސްކިތްތަކުގެ ބޭނުން މިހާރަށް ވުރެ އިތުރަށް ގިނަ ގޮތްގޮތުން ހިފަން ޖެހޭ ކަމުގައި އިސްލާމީ ކަންތައްތަކާ ބެހޭ ވުޒާރާގެ ވަޒީރު، ޑރ މުހައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ވޮއިސްއަށް ދެއްވި އިންޓަވިއުއެއްގައި ކުރެއްވި ސުވާލަކަށް ޖަވާބު ދެއްވަމުން ޑރ ޝަހީމް ވިދާޅުވީ، މިސްކިތްތައް ބޭނުން ކުރަންވީ ހަމައެކަނި ނަމާދު ކުރަން ނޫންކަށާއި، ރީތިކޮށް ޤުރުއާން ކިޔެވުމާއި ރާގު ދަސްކޮށްދިނުމާއި އަދި އިމާމުންގެ ތެރޭގައި ރީތިކޮށް ޤުރުއާން ކިޔަވަން ދަންނަ އިމާމަކު ހުރި ކޮންމެ ރަށެއްގައި އެ މަސައްކަތް މިސްކިތްތަކުގައި ކުރިއަށް ގެންދިއުން މުހިއްމުކަމުގައެވެ.
އެގޮތުން ރާއްޖޭގައި ރީތިކޮށް ކިޔަވަން ދަންނަ ޤުރްއާނުގެ ޢިލްމު އުނގެނިގެން ހުރި މީހަކު ހުރި ވީހާވެސް ގިނަ ރަށްރަށުގައި މިސްކިތްތަކުގެ ބޭނުން ޤުރްއާން އުނގަންނައި ދިނުމުގައި ބޭނުން ކުރުމަކީ މި ސަރުކާރުގެ އަމާޒެއް ކަމުގައި މިނިސްޓަރ ޝަހީމް ވަނީ ވިދާޅުވެފައެވެ.
އަޅުގަނޑުމެން ކުޑަ އިރު އަޅުގަނޑުމެން ޤުރުއާން ކިޔެވީ މިސްކިތްތަކުން، އޭރުގަ ނުހުރޭ އަޅުގަނޑުމެންގެ ރަށްރަށުގައި ފީ ނަގައިގެން ކިޔަވައިދޭ ތަންތަނެއް، އޭރު ހުންނަނީ ހިލޭ ސާބަހަށް ކިޔަވައިދޭ ތަންތަން، އަދި މިސްކިތްތަކުގައި ޤާރީ ކްލާސްތަކުގެ ނަމުގައި ކްލާސްތައް ހިންގަމުން ދިޔަ، މަޢުހަދުގެ ފަރާތުން ހިންގަމުން ދިޔަ، އަޅުގަނޑުމެން ކިޔެވީ އެ ކްލާސްތަކުގައި، އޭރު އެކަން ކުރަނީ ރަށުގެ އިމާމަކަށް ހުންނަ މިހާ
ޑރ މުހައްމަދު ޝަހީމް ޢަލީ ސަޢީދު
މީގެ އިތުރުން މިނިސްޓަރުގެ ވާހަކަފުޅުގައި ވިދާޅުވީ، މިހާރު ރާއްޖޭގައި ތިއްބެވި އެންމެ ފުންނާބު އުސް ޤާރީނަކީވެސް އެފަދަ ކްލާސްތަކުން ދަރިވަރުވެ އިލްމު އުނގެނުނު ދަރިވަރުން ކަމަށެވެ.
މީގެ އިތުރުން ދިވެހިރާއްޖޭގެ މިސްކިތުގައި އިސްލާމިކް ލައިބްރަރީއެއް ޤާއިމުކުރުމާއި، ދީނީ ތަރުބިއްޔަތާއި އަޚްލާޤުގެ ފިލާވަޅުތައް ނަގާދޭ ތަނަކަށް ހެދުމަށްޓަކައި ރައީސުލްޖުމްހޫރިއްޔާ ޑރ މުހައްމަދު މުއިއްޒު ވެ ވަޑައިގެންނެވި ވައުދާއި ގުޅިގެން ވާހަކަ ދައްވަމުން މިނިސްޓަރ ވިދާޅުވީ, އެ މަސައްކަތް ކުރުމަށްޓަަކައި ރާއްޖެއިން ބޭރުގެ ފަރާތްތަކާ ގުޅިގެން އެފަދަ ލައިބްރަރީތައް ގާއިމްކުރުުމުގެ މަސައްކަތް ކުރެވޭނެ ކަމަށާއި އެ މަސައްކަތް ކޮށްދޭނެ ބޭރުގެ ފަރާތްތައްް އެބަ ތިބި ކަމަށެވެ.
އެހެންނަމަވެސް އެއްފަހަރާ ހުރިހާ މިސްކިތްތަކެއްގައި މިބަސް މަޑުމަޑުން އެ މަސައްކަތް ފަށައިގެން ރާއްޖެގެ ހުރިހާ ހިސާބެއްގައި ވެސް އެ ޚިދުމަތް ޤާއިމްކުރުމުގެ މަސައްކަތް ކުރިއަށް ދާނެ ކަމުގައި މިނިސްޓަރ ވިދާޅުވިއެވެ.
ޢިލްމު ފެތުރުމާއި ލައިބްރަރީ ގާއިމްކުރުމަކީ މުހިއްމުކަމެއް، އަނެއްކާ މިހާރު ގިނަ މިސްކިތްތައް ގާއިމް ކުރެވިފައިވެސް މިހުރި އެ ޚިދުމަތް ގާއިމް ކުރެވޭ ގޮތަކަށް ނޫން، އެހެންވީމަ އޭގެ މާނައަކީ ދެން އަންނަ މިސްކިތްތައް ތަރުތީބު ވެގެން އަންނަންވާނީ އެ ޚިދުމަތް ފުޅާކުރެވޭނެ ގޮތަށް
ޑރ މުހައްމަދު ޝަހީމް ޢަލީ ސަޢީދު
ހަމައެޔާއެކު މިނިސްޓްރގެ ވާހަކަ ފުޅުގައި ވަނީ އަރަބިއްޔާގެ ސްކޫލަށް ޖާގަ ތަނަވަސް އައު އިމާރާތެއް އަޅައިދެއްވުމަށް ރައީސް ވެ ވަޑައިގެން ވައުދުގެ މަސައްކަތް މިހާރު ވަރަށް ގާތުން ކުރެވެމުންދާކަމަށާއި، ކައިިރި މުސްތަގްބަލެއްގައި އެކަން އިއުލާނުކުރެވިގެންދާނެ ކަމުގައި މިނިސްޓަރ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
