އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތް ކުރަން ޖެހެނީ އަމިއްލަ ފައިމައްޗަށް ތެދުވަން: ދިފާއީ ވަޒީރު
އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތް ކުރަން ޖެހެނީ އަމިއްލަ ފައިމައްޗަށް ތެދުވުމަށް ކަމަށާ ނޮވެންބަރު ތިނެއްގެ ހާދިސާއިން ލިބޭ އެންމެ ބޮޑު އިބްރަތަކީ އެއީ ކަމުގައި ދިފާއީ ވަޒީރު ހަސަން ރަޝީދު ވިދާޅުވެއްޖެ އެވެ.
ވަޒީރު މިހެން ވިދާޅުވީ 38 ވަނަ ނަސްރުގެ ދުވަހުގެ މުނާސަބަތުގައި މިރޭ ބޭއްވި ރަސްމީ ޖަލްސާގައި ވާހަކަދައްކަވަމުންނެވެ. ވަޒީރު ވިދާޅުވީ ނޮވެންބަރު ތިނެއްގެ ހާދިސާއިން ލިބޭ އެންމެ ބޮޑު އެއް އިބްރަތަކީ ގައުމީ މަސްލަހަތަށް އިސްކަންދޭން ޖެހުމެވެ. އަދި އެކަން ކުރެވޭނީ އަމިއްލަ ފައިމައްޗަށް ތެދުވެފައިވާ ގައުމެއް ބިނާކުރެވިގެން ކަމުގައި ވިދާޅުވި އެވެ.
"އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތް ކުރާން ޖެހެނީ އަމިއްލަ ފައިމައްޗަށް ކޮޅަށް ތެދުވުމަށްކަން" ނަސްރުގެ ދުވަހުގެ އިބްރަތްތައް ހަނދާންކޮށްދެއްވާ ވަޒީރު ވިދާޅުވި އެެވެ.
މީގެ އިތުރުން ވަޒީރު ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދިފާއީ ސިޔާސަތަކީ އެއްވެސް ބޭރުގެ ބަޔަކަށް ބަރޯސާނުވެ ދިވެހިން އަމިއްލައަށް ދިވެހިރާއްޖޭގެ މިނިވަންކަމާއި ސިޔާދަތު ރައްކާތެރިކޮށް ދެމެހެއްޓުން ކަމަށެވެ. އަދި އެކަން ކަށަވަރުކޮށް ދެއްވުމަށް ދިވެހި އަސްކަރިއްޔާގެ ގާބިލުކަން އިތުރުކުރުމަށް މިހާތަނަށް ވަރަށް ގިނަ މަސައްކަތް ކުރެވިފައިވާ ކަމުގައި ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
