މެންޗެސްޓަރ ސިޓީން 86 މިލިއަން ޕައުންޑްގެ އަގަކަށް ބޫއައްދީ ގެންގޮސްފި

ފްރާންސްގެ ލީލް އަށް ކުޅެމުން އައި 18 އަހަރުގެ މޮރޮކޯ މިޑްފީލްޑަރު އައްޔޫބް ބޫއައްދީ 86 މިލިއަން ޕައުންޑުގެ ރެކޯޑު އަގަކަށް މެންޗެސްޓާ ސިޓީއަށް ބަދަލުވެއްޖެއެވެ.

މި ޓްރާންސްފާގެ ދަށުން ސިޓީން ދައްކާ ފީގެ ތެރެއިން 81.3 މިލިއަން ޕައުންޑަކީ ކަނޑައެޅިފައިވާ ޢަދަދެއް ކަމަށާއި ބާކީ 4.3 މިލިއަން ޕައުންޑަކީ ބޯނަސް ކަމަށް މީޑިއާގެ ރިޕޯޓްތައް ބުނެއެވެ. ބޫއައްދީ ސޮއިކޮށްފައިވަނީ ފަސް އަހަރުގެ ކޮންޓްރެކްޓެއްގައި ކަމަށާއި، މި އެއްބަސްވުމުގެ ދަށުން 2031 ވަނަ އަހަރުގެ ހޫނު މޫސުމާ ހަމަޔަށް އޭނާ އެ ކްލަބްގައި ހުންނާނެއެވެ.

މެންޗެސްޓަރ ސިޓީއަށް ބަދަލުވުމަށްފަހު ބޫއައްދީ ބުނީ މެންޗެސްޓާ ސިޓީ އަކީ އަހަންނަށް ދުނިޔޭގެ އެންމެ މޮޅު ކްލަބު ކަމަށާއި އެ ކްލަބްގައި ހުރެ ސިޓީ ކުޅުންތެރިއެކޭ ބުނެވުމަކީ ހުވަފެނެއް" ކަމަށެވެ. އޭނާ އިތުރަށް ބުނީ އުމުރުގެ ބޮޑު ބައެއް ހޭދަކުރީ އެންމެ މޮޅު ކުޅުންތެރިޔާ އަށް ވުމަށާއި އަދި ކުޅިވަރުގެ އެންމެ ކުރިއަށް ދިއުމަށް ބުރަ މަސައްކަތް ކުރުމުގައި ކަމަށެވެ. އޭނާ ބުނީ ސިޓީގެ ކުޅުމުގެ ވައްޓަފާޅި ވަރަށްބޮޑަށް އެނގޭކަމަށެވެ.

ސިޓީއަށް ބުއައްދީ ގެނެސްފައިވާއިރު، އެޓީމްގެ ރޮޑްރީ އާއި ބެނާޑޯ ސިލްވާ އާއި ޓީޔާނީ ރެއިންޑާސް ވަނީ ކްލަބް ދޫކޮށް ދިޔަ ކުޅުންތެރިންގެ ތެރޭގައެވެ.