އަނަންތާރާ ކިހަވަކުގެ މުވައްޒަފުންނަށް ތުނބުޅި ބެހެއްޓޭގޮތަށް އުސޫލު ބަދަލުކޮށްފި
އަނަންތާރާ ކިހަވައް ރިސޯޓުގެ މުވައްޒަފުންނަށް ތުނބުޅި ބެހެއްޓޭގޮތަށް އުސޫލު ބަދަލުކޮށްފި ކަމަށް ޓޫރިޒަމް އެމްޕްލޯއީ އެސޯސިއޭޝަން އޮފް މޯލްޑިވްސް (ޓީމް) އިން ބުނެފިއެވެ.
މިދިޔަ މަހުގެ މެދުތެރޭގައި ޓީމް އިން ބުނެފައި ވަނީ އެ ޔޫނިއަންގެ އަނަންތާރަ ކިހަވައް ބުރާންޗުގެ މެމްބަރުން ތަކުރާކުކޮށް މެނޭޖްމަންޓާއި ކަމާބެހޭ ފަރާތްތަކާއެކު މަޝްވަރާތަކުންވެސް، ކޮންމެ ދުވަހަކު ތުނބުޅި ބޭލުން މަޖުބޫރު ކޮށްފައި އޮތް އޮތުން ނިމުމަކަށް ގެނައުމަށް އެއްބަސްވުމަކަށް އާދެވިފައި ނުވާތީ، އިންސާނީ ހައްގުތައް ކަށަވަރު ކުރުމަށްޓަކައި އެ ރިސޯޓު މުވައްޒަފުން ތުނބުޅި ބޭލުން ހުއްޓާލަން ނިންމާފައިވާކަމަށެވެ.
އަދި ޔޫނިއަންއާއި މެނޭޖްމަންޓާއި އެއްބަސްވެވޭ އުސޫލެއް ކަނޑައެޅެންދެން ތުނބުޅި ނުބާލާ މަސައްކަތް ކުރުމުގައި ދެމިތިބުމަށް ނިންމާފައިވާކަމަށް ޓީމްއިން ބުންޏެވެ.
އެ އުސޫލު ބަދަލު ކުރިކަމުގެ އުފަލުގައި ޓީމް އިން ބުނީ، ރިސޯޓް މުވައްޒަފުންގެ ބޮޑު ކަންބޮޑުވުމެއް ގެ ގޮތުގައި އޮތް، ކޮންމެ ދުވަހަކު ތުނބުޅި ބެލުން މަޖްބޫރުކުރުވާ އުސޫލް ބަދަލުކުރަން އެޖަމިއްޔާގެ އެންމެ ބާރުގަދަ ޔޫނިޔަން ބުރާންޗް ކަމުގައިވާ އަނަންތާރާ ކިވަށް ރިސޯޓް މުވައްޒަފުންގެ ހިއްވަރުގަދަ މަސައްކަތުން މުވައްޒަފުން ބޭނުންވާގޮތަށް ތުބުޅިބެހެއްޓޭނެ ގޮތަށް ކުންފުނީގެ އުސޫލް ބަދަލުކޮށް އެ ހައްގު ކަށަވަރުކޮށްފައި ވާކަމަށެވެ.
އަދި އެ ޔޫނިއަންގެ މެމްބަރުންގެ ހިތްވަރުގަދަ ކަމަށްޓަކައި ޓީމްއިން ވަނީ މެމްބަރުންނަށް މަރުހަބާ ކިޔާފައެވެ.
ރާއްޖޭގެ ހުރިހާ ރިސޯޓެއްގައިވެސް ތުނބުޅި ބަހައްޓަން ބޭނުން މުވައްޒަފުންނަށް މިހައްޤު ލިބިދިނުން އެދޭކަމަށް ޓީމްއިން ބުންޏެވެ. އަދި އެކަމުގައި ޓީމުގެ އެއްބާރުލުން ފުރިހަމަޔަށް ލިބޭނެ ކަމަށްވެސް ޓީމްއިން ބުންޏެވެ.
ރިސޯޓެއްގައި ތުނބުޅި ބަހައްޓަން މުވައްޒަފުންނަށް ފުރަތަމަ ފަހަރަށް ހުއްދަ ދިނީ މި މަހުގެ ކުރީކޮޅުގައެވެ. އެއީ ބ. މުއްދޫ ގައި ހިންގާ ދުސިތް ތާނީ މޯލްޑިވްސް ރިސޯޓުގައެވެ. އެ ރިސޯޓުން ވަނީ ތުނބުޅި ބެހެއްޓުމާ ބެހޭ ސަރކިއުލަރއެއް ނެރެ، ޝަރުތުތަކަކާއެކު ތުނބުޅި ބެހެއްޓުމަށް ހުއްދަ ދީފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
