ކާމިޔާބު މުސްތަޤްބަލެއް ބިނާކުރުމަށްޓަކައި ސިންދަފާތުތަކަށް އިޚްތިރާމް ކުރުން މުހިއްމު: ޑރ. ޝަފީއު

ކާމިޔާބު މުސްތަޤަބަލެއް ބިނާކުރުމަށްޓަކައި އިންސާނުންގެ މެދުގައިވާ ސިންދަފާތުތަކަށް އިޙްތިރާމް ކުރުން މުހިއްމުކަމަށް ތައުލީމީ ވަޒީރު ޑރ. އިސްމާއިލް ޝަފީއު ވިދާޅުވެއްޖެއެވެ.

ބައިނަލްއަޤްވާމީ ނުކުޅެދުންތެރިކަން ހުންނަ ދުވަހުގެ މުނާސަބުގައި ދެއްވި ޚާއްސަ މެސެޖެއްގައި ތަޢުލީމާއި ބެހޭ ވަޒީރު އިސްމާޢީލް ޝަފީއު ވިދާޅުވީ، ކޮންމެ ދަރިވަރަކަށްވެސް ކަމިޔާބު މުސްތަޤްބަލެއް ލިބުމުގެ ހަމަހަމަ ފުރުސަތު ފަހިކޮށްދިނުމަކީ މުޖުތަމަޢުގެ ޒިންމާއެއް ކަމަށެވެ.

އެގޮތުން، އެކަން ކުރުމަށްޓަކައި އިންސާނުންގެ މެދުގައިވާ ސިންދަފާތުތަކަށް އިޚްތިރާމް ކުރުމަކީ މުހިއްމުކަމެއް ކަމުގައި ވަޒީރުގެ ޚާއްސަ މެސެޖުގައި ވަނީ ވިދާޅުވެފައެވެ.

ކާމިޔާބު މުސްތަޤްބަލެއް ދަރިވަރުންނަށް ހޯދައިދިނުމަށްޓަކައި، އިންސާނުންގެ މެދުގައިވާ ސިންދަފާތުތަކަށް އިޙްތިރާމްކޮށް، ޖަމާޢަތުގެ ބައިވެރިވުމާއެކު ދެމެހެއްޓެނިވި ތަރައްޤީއެއް ހޯދާދިނުމަށް އެންމެން ގުޅިގެން މަސައްކަތް ކުރަމާތޯ

ޑރ އިސްމާޢިލް ޝަފީއު

މީގެ އިތުރުން ޚާއްސަ އެހީއަށް ބޭނުންވާ ދަރިވަރުންނަށް އުނގަންނައިދީ ފުރުސަތުތައް ފަހިކޮށްދިނުމުގައި ހުރިހާ ރައްޔިތުންގެ އެކަތިގަނޑެއްގެ ގޮތުގައި އެއްބަސްކިޔައިގެން، އެކުދިންނަށް ދޭންޖެހޭ އަޅާލުމާއި ސަމާލުކަން ދިނުމުގައި ދެމިހުރުމުގެ މުހިއްމުކަމަށް މިނިސްޓަރުގެ މެސެޖުގައި ވަނީ އަލިއަޅުވާލާފައިވެއެވެ.