ހައްޖަށް ނުވަތަ އުމްރާއަށް ގޮސް އުޅުމުގައި ބަލިތަކުން ރައްކާތެރިވުމަށް ސަމާލުވެލައްވާ!

ހައްޖަށް ނުވަތަ އުމްރާއަށް ގޮސް އުޅޭ ފަރާތްތަކުން ބަލިތަކުން ރައްކާތެރިވުމަށް ކުރެވިދާނެ ކަންތައްތަކެއް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ހާމަކޮށްފިއެވެ.

އެގޮތުން އެންމެ ފުރަތަމަ ކަމަށް އެޗްޕީއޭ އިން ފާހަގަކޮށްފައިވަނީ ދަތުރަށް ފުރުމުގެ ކުރިން ބަލިތަކުން ރައްކާތެރިވުމަށް ވެކްސިން ޖެހުމުގެ މުހިންމު ކަމެވެ. މީގެ ތެރޭގައި ޕޯލިއޯ، މެނިންޖައިޓިސް އަދި އިންފްލުއެންޒާ ގެ ވެކްސިން އެޗްޕީއޭއިން ވަނީ ފާހަގަކޮށްފައެވެ.

މިއާއިއެކު ވެކްސިން ޖެހުމަށްފަހު ހަށިގަނޑުގެ ދިފާއީ ބާރު އުފެއްދުމަށް ގާތްގަނޑަކަށް 2 ހަފްތާ އާންމުކޮށް ނެގުމުގެ ސަބަބުން ފުރުމުގެ 2 ހަފްތާ ކުރިން ވެކްސިން ޖެހުން މުހިންމު ކަމަށް އެޗްޕީއޭއިން ވަނީ ބުނެފައެވެ.

ވެކްސިން ޖެހުމުގެ އިތުރުން ބަލިތަކުން ރައްކާތެރިވުމަށް ކުރެވިދާނެ ކަންކަން:

-އަބަދުވެސް ސާފު ތާހިރުކޮށް ހުރުމާއި އުޅޭ ކޮޓަރި އަދި ފާޚަނާ ސާފުކޮށް ބެހެއްޓުން

-ޙައްޖަށް ނުވަތަ އުމްރާއަށް ގޮސް އުޅުމުގައި ބަލިތަކުން ރައްކާތެރިވުމަށް މާސްކު އެޅުން އެދެވިގެންވޭ

-ކާނާ ތައްޔާރުކުރުުމުގެ ކުރިން، ކެއުމުގެ އަދި މީހަކަށް ކާން ދިނުމުގެ ކުރިން ރަނގަޅަށް އަތް ދޮވުން

-ފާޚާނާ ކުރުމަށްފަހު ސައިބޯނި ލައިގެން ރަނގަޅަށް އަތްދޮވުން

-ބޭރުގައި އުޅޭއިރު އަތް ސާފުކުރުމަށް ސެނެޓައިޒަ ފުޅިއެއް ގެންގުޅުން

-ފެނާ ދިޔާ ތަކެތި ގިނައިން ބޭނުން ކުރުން

-ފިޒީ ޑްރިންކްސްް އެނާޖީ ޑްރިންކްސް، އަދި ގިނައިން ހަކުރު ހިމެނޭ ބުއިންތައް ބޭނުން ނުކުރުން

-ބިންގަނޑުގެ ހޫނުން ފައި ރައްކާތެރިކުރުމަށް ރަނގަޅުު ފަސޭހަ ފައިވާނެއް ބޭނުން ކުރުން

-ބައްޔަކަށް ބޭސް ބޭނުންކުރާނަމަ ވަގުތަށް ބޭސް ބޭނުންކުރުން

-ދާއިމީ ބައްޔަކަށް ފަރުުވާ ހޯދާނަމަ އާންމުކޮށް ދައްކާ ޑޮކްޓަރުގެ ފަހުގެ ބޭސް ސިޓީތަކާއި ރިޕޯޓްތައް ގެންދިއުން

-ކޮންމެހެން ބޭނުން ޖެހިިގެން ނޫނީ ޖަނަވާރު ވިއްކާ ތަންތަނަށް ނުދިއުން

-ރޯކިރު ރަނގަޅަށް ކެއުމަށްފަހު ނޫނީ ބޭނުން ނުކުުރުން

-މަހާއި އެއްގަމު މަހުގެ ބާވަތްތައް ބޭނުންކުރުމުގައި ރަނގަޅަށް ރޯފިލާފައި ހުރިކަން ކަށަވަރުކުރުން

މި ހިނގާ ޖޫން މަހުގެ 12 ވަނަ ދުވަހުން ފެށިގެން ދިވެހި ޙައްޖާޖީން ޙައްޖު ދަތުރަށް ފުރަން ފަށާނެ ކަމަށް އިސްލާމިކް މިނިސްޓްރީ އިން ވަނީ ބުނެފިއެވެ.

އަދި މިފަހަރު ޙައްޖާޖީން ފުރަން ހަމަޖެހިފައިވަނީ ޖޫންމަހުގެ 12، 13، 15، 16 އަދި 19 ވަނަ ދުވަހު އޮންނަ 6 ފްލައިޓަކުން ކަމަށް ވެސް އެމިނިސްޓްރީ އިން ވަނީ ހާމަކޮށްފައިވެއެވެ.