ކުރީ ސަރުކާރުގެ ފަރާތުން ހުށަހެޅި ކުންފުނީގެ ބިލު ފާސްކޮށްފި
ކުރީގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ސަރުކާރުގެ ފަރާތުން ހުށަހަޅުއްވާފައިވާ ކުންފުނީގެ ބިލު، ކޮމިޓީން ދިރާސާކޮށް ނިންމި ގޮތަށް މިއަދުގެ މަޖިލީހުން ފާސްކޮށްފިއެވެ.
ކުރީ ސަރުކާރުގެ ފަރާތުން ދުވާފަރު ދާއިރާގެ މެންބަރު އިސްމާއިލް އަހުމަދު ހުށަހެޅުއްވި މި ބިލު، އިގްތިސޯދީ ކޮމިޓީން ދިރާސާކޮށް ނިންމާ ބިލު ފާސްކުރަން ފުރަތަމަ އެޖެންޑާކޮށްފައިވަނީ އިއްޔެއެވެ. އެހެންނަމަވެސް މި ބިލު ފާސްކުރަން ވޯޓަށް އެހުމަށް ބޭނުންވާ އަދަދަށް ކޯރަމް ހަމަނުވާތީ، ވޯޓަށް އަހައި ފާސްކުރުން މިއަދަށް ވަނީ ފަސްކުރެވިފައެވެ.
މިއަދު ކުރިއަށް ގެންދިޔަ މަޖިލީހުގެ ޖަލްސާގައި މި މިލް ފާސްކޮށްފައިވަނީ 53 މެންބަރުންގެ ވޮޓުންނެވެ. އަދި މި ބިލާ ދެކޮޅަށް އެއް މެންބަރަކުވަނީ ވޯޓުދެއްވާފައެވެ.
މިއަދު ފާސްވެގެން މިދިޔަ ކުންފުނީގެ ބިލަކީ ދިވެހިރާއްޖޭގައި ކުންފުނި އެފެއްދުމާއި ރަޖިސްޓަރީކުރުމާއި ހިންގުމާއި، އުވާލުމުގެ ހަމަތަކާއި، މުޖުތަމައުތަކުގައި އަމަލުކުރާ އުސޫލުތަކާ އެއްގޮތަށް ކުންފުނިތަކަށް ބަދަލު ގެނައުން ފަދަ ބައިތައް ބަޔާންކުރާ ބިލެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
