މަޖިލީހުގެ ޗީފް އޮފް ބިއުރޯގެ މަޤާމަށް ފާޠިމަތު ޞާލިޙް އަައްޔަނުކޮށްފި!
ރައްޔިތުންގެ މަޖިލީހުގެ ޗީފް އޮފް ބިޔުރޯގެ މަޤާމަށް ފާޠިމަތު މުޙައްމަދު ޞާލިޙް (ފާތޭ) އައްޔަނުކޮށްފިއެވެ.
ފާޠިމަތު މުޙައްމަދު ޞާލިޙް އަކީ ކުރީގެ ރައީސް އިބްރާހިމް މުޙައްމަދު ޞާލިޙްގެ ކޮއްކޮއެވެ. ފާތިމަތު ޞާލިޙް އެންމެ ފަހުން ހުންނެވީ ރައީސް އިބްރާހިމް މުޙައްމަދު ޞާލިޙްގެ ސެކްރެޓެރީގެ ގޮތުގައެވެ. އޭގެ ކުރިން ފާތޭ ވަނީ ކުރީގެ ދެ ރައީސުން ކަމަށްވާ ރައީސް މައުމޫން ޢަބްދުލް ޤައްޔޫމާއި ރައީސް ޢަބްދުالله ޔާމިން ޢަބްދުލްޤައްޔޫމްގެ ސެކްރެޓެރީކަންވެސް ކުރައްވައިފައެވެ.
ރައީސް އޮފީހުގައި ފާތޭ އަދާކުރެއްވެވި މަޤާމުން އިސްތިއުފާ ދެއްވައިފައިވަނީ ރައީސް ޞާލިޙްގެ ވެރިކަމުގެ ދައުރު ނިމުމުންނެވެ.
ފާތޭ ދިވެހި ދައުލަތައް ޚިދްމަތް ކުރައްވާތާ 37 އަހަރު ވެއްޖެއެވެ.
މަޖިލީހުގެ ޗީފް އޮފް ބިއުރޯގެ މަޤާމަށް ފާތޭ އައްޔަނު ކުރައްވައިފައިވަނީ ރައްޔިތުންގެ މަޖިލީހުގެ ރައީސަށް ލިބިގެންވާ އިޚްތިޔާރުގެ ދަށުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
