އެއްލައްކަ ވޯޓު ހޯއްދެވި ބޭފުޅާއަށް ޕާޓީ ރަޖިސްޓްރީކުރަން ލިބުނީ 3400 ފޯމު: ޝަމީމް
ރައްޔިތުންގެ މެދުގައި އެމްޑިޕީގެ ރައީސް މުޙައްމަދު ނަޝީދުގެ މަޤުބޫލުކަން ވަރަށް ބޮޑަށް ގެއްލިފައިވާކަމަށް ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސެއިން) ވިދާޅުވެއްޖެ އެވެ.
އަދުން ހުސެއިން މިފަދައިން ވިދާޅުވެފައިވަނީ ރައްޔިތުންގެ މަޖިލީހުގެ އިއްޔެގެ ޖަލްސާގައި ވާހަކަދައްކަވަމުން ނެވެ.
އޭނާ ވިދާޅުވީ ފޯޅަވަހި މައްސަލައާއި ގުޅުވާ ބަންޑާރަނައިބު އިބްރާހިމް ރިއްފަތުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމުގެ އަޑީގައި ހުންނެވީ ރައީސް ނަޝީދު ކަމަށެވެ. އަދި ނަޝީދު އެފަދައިން އަމަލުކުރެއްވީ އެމަނިކުފާނުގެ ވެރިކަމުގައި ވިއްކާލި ފަޅުތަކުގެ ވާހަކަ ފާޅާއެރުމުން އެކަން ހިންދާލުމަށްކަމަށް އޭނާ ވިދާޅުވި އެވެ.
ދިވެހިރާއްޖޭގެ ދެކުނުގެ ސަރަހައްދުން ބައެއް މި ސަރުކާރުން ވިއްކާލާފައިވާކަމަށް މަޖިލީހުގެ ރައީސް ތުހުމަތު ކުރައްވަމުން ގެންދަވާއިރު، އެމަނިކުފާނަކީ މޮރިޝަސްއަށް ވަޑައިގެން، މޮރިޝަސްގެ ސަރުކާރުން ދޭ އެންމެ ޝަރަފުވެރި މަޤާމު ހޯއްދަވައިގެން ހުންނެވި ރައީސްކަމަށް އަދުން ހުސެއިން ވިދާޅުވި އެވެ.
ނަޝީދު މޮރިޝަސްގެ ސަރުކާރުގައި އެއްބަސްވި ގިނަ ކަންކަމުގެ ސަބަބުން، އިމުގެ މައްސަލައަށް ވަރަށް ބޮޑަށް އަސަރުކޮށްފައިވާކަމީ އެންމެން ދަންނަ ހަޤީގަތެއްކަމަށް އަނދުން ހުސެއިން ވަނީ ވިދާޅުވެފަ އެވެ.
އެއާއެކު އޭނާ ވިދާޅުވީ ނަޝީދު ކުރައްވާފައިވާ ކަންކަން ފޮރުވުމަށްޓަކައި، އެހެން މީހުންގެ ބޮލުގައި އިލްޒާމުތައް އަޅުވައި އެހެން މީހުން ބަދުނާމު ކުރަމުން ދިއުމަކީ ނަޝީދާއި މެދު ރައްޔިތުން ދެކޭގޮތް ބަދަލުވެ ނަޝީދުގެ މަޤުބޫލުކަން ރައްޔިތުންގެ މެދުގައި ވެއްޓިގެން ދިޔަ ސަބަބުތައް ކަމަށެވެ.
"އިއްޒަތްތެރި ރައީސް ވިސްނާވަޑައިގަންނަވަން ޖެހޭ، އެއްލައްކަ ފަސް ހާސް މީހުންގެ ވޯޓު ލިބިވަޑައިގެންނެވި ބޭފުޅަކު ޕާޓީއެއް ރަޖިސްޓާކުރަން އުޅުއްވީމަ މިއަދު މިވީ 3400 ފޯމު. އިއްޒަތްތެރި ރައީސްގެ މަޤުބޫލުކަން ރާއްޖޭގައި ވެއްޓެމުން އަންނަީ
މެމްބަރު ހުސެއިން ޝަމީމު
އަނދުން ހުސެއިން ވިދާޅުވީ ދައުލަތުގެ ބަންޑާރަ ނައިބު އިބްރާހިމް ރިއްފަތަށް މަޖިލީހުގެ އިތުބާރު ފުރިހަމައަށް އޮތް ކަމަށެވެ. އެމަނިކުފާނުގެ އިތުބާރު ނެތްކަމުގެ މައްސަލަ މަޖިލީހަށް އިދިކޮޅު ފަރާތްތަކުން ވެއްދީ ސިޔާސީ ޗަރުކޭސް ކުޅެން ކަމަށާއި، އެ ފުރުސަތު އެ ފަރާތްތަކަށް ވެސް ނުދެއްވާނެކަމަށް އޭނާ ވަނީ ވިދާޅުވެފަ އެވެ.
އަދި ބަންޑާރަނައިބުގެ އިތުބާރު ނެތްކަމުގެ މައްސަލަ މަޖިލީހުން ބޭރުކުރާނެކަމަށް އަނދުން ހުސެއިން ވަނީ ވިދާޅުވެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
