މިމަހުގެ މުސާރަ 22ގެ ކުރިން ދިނުމަށް އަންގައިފި
މި ހިނގާ ޖޫން މަހުގެ މުސާރަ މިމަހުގެ 22 ވަނަ ދުވަހުގެ ކުރިން ދިނުމަށް ފިނޭންސް މިނިސްޓްރީއިން ކަނޑައަޅައި އެގޮތައް އަމަލުކުރުމަށް އަންގައިފިއެވެ.
ފިނޭންސް މިނިސްޓްރީއިން މިގޮތައް އަންގާފައިވަނީ މި އަހަރުގެ ޙައްޖު ދުވަހާއި އަޟްހާ ޢީދާ ގުޅިގެން 10 ވަރަކަށް ދުވަހުގެ ބޮޑު ބަންދެއް މި މަހުގެ ފަހު ހަފުތާގައި ލިބޭތީއެވެ.
ފިނޭންސް މިނިސްޓްރީން އާންމުކުރި ސާކިއުލާގައި ވަނީ ސަރުކާރުގެ އިދާރާތަކުގެ އެކައުންޓިން ސޮފްޓްވެއާ ބޭނުންކޮށްގެން، އޮފީސްތަކުގެ މުސާރައިގެ ވައުޗަރުތައް މި މަހުގެ 19 ގެ ކުރިން ހުށަހެޅުމަށެވެ.
މި މަހުގެ މުސާރައިގެ އިތުރުން ދުވަހުގެ އަދަދުން ހިސާބު ކުރާ އިނާޔަތްތަކާއި އިތުރު ގަޑީގެ ފައިސާގެ ގޮތުގައި ބަލަން ވާނީ މޭ 16 އިން މި މަހުގެ 10 ދުވަހުގެ ނިޔަލަށް ކަމަށް ފިނޭންސް މިނިސްޓްރީން ވަނީ ބުނެފައެވެ.
މި އަހަރުގެ ޙައްޖު ދުވަހަކީ މި މަހުގެ 27 ވަނަ ދުވަހެވެ. އަޟްހާ ޢީދު ދުވަހަކީ މި މަހުގެ 28 ވަނަ ދުވަސް ކަމަށް ވާއިރު، ޢީދު ދުވަހުގެ މުނާސަބަތާ ގުޅިގެން ތިން ދުވަސް ބަންދު ކަމަށް ކަލަންޑަރުގައި ވަނީ ކަނޑައަޅައިފަ އެވެ.
ނަމަވެސް ޙައްޖު ދުވަހުގެ ކުރިން އަންނަ 25،26 ވަނަ ދުވަސް ވެސް ބަންދުކުރަން ރައީސް އިބްރާހިމް މުޙައްމަދު ޞާލިހް ވަނީ ނިންމަވާފައެވެ.އެހެން ކަމުން ޙައްޖު ދުވަހާއި ޢީދު ދުވަހާ އެއްކޮށްލުމުން ހަފްތާ ބަންދު ދުވަސްތަކާ އެކު ބޮޑު ބަންދެއް ލިބެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
