ޖަޕާނު ސްކޯލާޝިޕަށް ކުރިމަތިލުމުގެ މުއްދަތު އިތުރުކޮށްފި

ޖަޕާނުގެ އެހީގައި މަތީ ތައުލީމް ހާސިލްކުރަން ބޭނުންވާ ދިވެހި ދަރިވަރުންނަށް ދޭން ނިންމާފައިވާ ސްކޯލާޝިޕަށް އެދި ކުރިމަތިލުމުގެ ފުރުސަތު އިތުރުކޮށްފިއެވެ.

ހަޔަރ އެޑިއުކޭޝަނުން މިއަދު ކުރި އިއުލާނެއްގައި ބުނީ، ޖަޕަނީޒް ގްރާންޓް އެއިޑް (ޖޭޑީއެސް) ގެ ފަރާތުން ދިވެހިރާއްޖެއަށް ދީފައިވާ މާސްޓަރސް ޑިގްރީގެ 6 ސްކޮލަރޝިޕަށް އެޕްލިކޭޝަން ހުށަހެޅުމުގެ ޖޭޑީއެސް އިން އިތުރުކޮށްފައިވާ ކަމަށެވެ.

އެގޮތުން މުއްދަތު އިތުރު ކުރީ، 24 ޑިސެމްބަރ 2023 (އާދިއްތަ) ދުވަހުގެ 16:00 ގެ ނިޔަލަށް ކަމަށްވެސް ބުނެފައިވެއެވެ.

ހަޔާ އެޑިއުކޭޝަން މިނިސްޓްރީން ބުނެފައިވާ ގޮތުގައި މިސްކޮލަރޝިޕްތަކަށް ދަރިވަރުން ހޮވުމުގެ ހުރިހާ މަސައްކަތެއް ކުރައްވާނީ ސްކޮލަރޝިޕް ދޭ ފަރާތުންނެވެ. އަދި މިސްކޮލަރޝިޕަށް ހޮވޭ ދަރިވަރުންގެ ކޯހުގެ ހުރިހާ ޚަރަދެއް ސްކޮލަރޝިޕް ދޭ ފަރާތުން ހަމަޖައްސައިދޭނެ ކަމަށްވެސް ބުނެފައިވެއެވެ.

މިސްކޮލަރޝިޕްގެ ކޯސްތަކާއިބެހޭ އިތުރު މަޢުލޫމާތާއި، އޮންލައިން އެޕްލިކޭޝަން ހުށަހަޅަންވީގޮތުގެ މަޢުލޫމާތު ތިރީގައި މިވާ ލިންކް އިން ލިބެން ހުންނާނެއެވެ.

ސިވިލް ސާވިސްގައި މަސައްކަތްކުރާ މީހުންނަށާއި މިނިވަން މުއައްސާސާތަކާއި ޝަރުއީ ދާއިރާގައި މަސައްކަތް ކުރާ ދާއިމީ މުވައްޒަފުންނާއި އަމިއްލަ ފަރާތްތަކަށް މި ސްކޮލާޝިޕްތަކަށް ކުރިމަތިލެވެއެވެ.

އަދި ސްކޯލާޝިޕަށް ހުށަހެޅޭނީ 22 އަހަރާއި 39 އަހަރުގެ ދަރިވަރުންނަށް ކަމަށާ އެ ދަރިވަރަކީ މީގެކުރިން ކުރން ޖަޕާންގެ އެއްވެސް އެލަރޝިޕެއް ލިބިފައި ނުވާ އަދި މާސްޓާސް ޑިގްރީ އާއި އެއަށް ވުރެ މަތީ ޑިގްރީއެއް ހާސިލްކޮށްފައިވާ ނުވާ މީހަކަށް ވާންޖެހޭ ކަމަށް ބުނެފައި ވެއެވެ.

ސްކޮލަރޝިޕްތަކުގައި ކިޔަވާނީ ޔުނިވަސިޓީ އޮފް ސުކުބާއިން މާސްޓަސް ޕްރޮގްރާމް އިން އެންވަޔަރަމަންޓަލް ސައިންސާއި، ނެޝަނަލް ގްރެޖުއޭޓް އިންސްޓިޓިއުޓް ފޯ ޕޮލިސީ ސްޓަޑީސް އިން މާސްޓާސް އޮފް ޕަބްލިކް ޕޮލިސީ ނުވަތަ ޕަބްލިކް އެޑްމިނިސްޓްރޭޝަނާއި ރިޓްސުމެއިކަން ޔުނިވަރސިޓީން މާސްޓާސް އޮފް އާޓްސް އިން އިންޓަނޭޝަނަލް ރިލޭޝަންސްއަށެވެ.

ހަޔަރ އެޑިއުކޭޝަން މިނިސްޓްރީން ވަނީ މިކޯސްތަކަށް ހޮވޭ ފަރާތްތަކުން، ކޯހަށް ފުރުމުގެ ކުރިން ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމް.ކިޔު.އޭ) އިން ޤަބޫލުކުރާ އިންސްޓިޓިއުޓެއްތޯއާއި، ހޮވިފައިވާ ކޯހަކީ އެމް.ކިޔު.އޭ އިން ޤަބޫލުކުރާ ކޯހެއްތޯ ކަށަވަރު ކުރަން އެދިފައެވެ.