މެދު ދާއިރާގެ ބަހުސްގައި ބައިވެރިވުމަށް އަޅުގަނޑު މި އިންނަނީ ކެތް މަދުވެފައި: ރައީސް ނަޝީދު
މައްޗަންގޯޅި މެދު ދާއިރާ ތަމްސީލުކޮށް ބަހުސްކުރުމަށް ކެތްމަދުވެފައި އިންނެވި ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ "ދަ ޑިމޮކްރަޓްސް" ޕާޓީއިން ތަންފީޒު ކުރަން މަސައްކަތްކުރާ ސިޔާސަތުތަކާއި ގުޅޭ ގޮތުން ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ދެއްކެވި ވާހަކަތަކަށް ފަހުގައެވެ.
އެގޮތުން ނަޝީދު ވަނީ މަޖިލީހުގައި އެމަނިކުފާނުގެ ދާއިރާ ތަމްސީލުކޮށް މަޖިލީހަށް ހުށަހެޅޭ ކަންކަމަށް ބަހުސް ކުރުމަށް ކެތްމަދުވެފައިވާ ކަމަށް ވިދާޅުވެފައެވެ.
"އިއްޒަތްތެރި މެމްބަރުންނަށް އެނގިވަޑައިގަންނަވާނެ އަޅުގަނޑު ކެތް މަދުވެފައި ހަގީގަތުގައި ރިޔާސަތުގައި މި އިންނަނީ. އުންމީދު ކުރެވެނީ މެދު ދާއިރާގެ ބަހުސްގައި ބައިވެރިވެވޭނެ ކަމަށް"
ރައްޔިތުން މަޖްލިސްގެ ރައީސް މުހައްމަދު ނަޝީދު
މަޖިލިސްގެ ރައީސްގެ މަގާމުން ނަޝީދު ވަކިކުރުމަށް މަޖިލީހުގެ މެޖޯރިޓީ، އަދި ސަރުކާރު ހިންގާ މައި ޕާޓީ އެމްޑީޕީގެ ޕާލަމެންޓްރީ ގުރޫޕުން އިއުލާންކޮށް ސޮއިކުރުން ވަނީ ފަށާފައެވެ.
މިހާތަނަށް އެ ގަރާރުގައި 53 މެމްބަރުން ސޮއިކޮށްފައިވާއިރު ގަރާރު ހުށަހެޅުމަށް ބޭނުންވާނީ 44 މެމްބަރުންގެ ސޮއެވެ. މި އަދަދު ހަމަވުމާއިއެކު އެމްޑީޕީއިން ވަނީ މިއަދު މިކަން ހުށަހެޅުމަށް ނިންމާފައެވެ.
އެހެންނަމަވެސް މީގެ ކުރިން ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅަން ބޭނުންވާ މިންވަރަށް މެންބަރުންގެ ސޮއި ނުލިބޭނެ ކަމަށް، އެމަނިކުފާނަށް ވަފާތެރި މެންބަރުން އުފައްދަވާފައިވާ ދަ ޑިމޮކްރެޓްސް ޕާޓީން ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
