މާދަމާއިން ފެށިގެން އަމީނީމަގާއި ގުޅިފައިވާ ބައެއް ގޯޅިތައް ބަންދުކުރަނީ!

މާދަމާއިން ފެށިގެން އަމީނީމަގާއި ގުޅިފައިވާ ބައެއް ގޯޅިތައް ބަންދުކުރުމަށް ހަމަޖެހިފައިވާ ކަމަށް ދިވެހި ފުލުހުންގެ ޚިދްމަތުން ބުނެފިއެވެ.

އަމީނީމަގާއި ގުޅިފައިވާ ބައެއް ގޯޅިތައް ބަންދު ކުރުމަށް ނިންމައިފައިވަނީ މާލެ ސްޓްރީޓް ސްކޭޕިންގ ޕްރޮޖެކްޓުގެ ދަށުން އަމީނީމަގުގެ މަސައްކަތް ފެށުމަށް ހަމަޖެހިފައިވާތީއެވެ.

މާދަމާ އިރުއޮއްސި 18:00 ން ފެށިގެން އަމީނީމަގާއި ގުޅިފައިވާ 4 ގޯޅިއެއް ވަނީ ބަންދުކުުރުމަށް ވަނީ ހަމަޖެހިފައެވެ.

ބަންދުކުރުމަށް ހަމަޖެހިފައިވަނީ:

އަމީނީމަގު: ހަނދުވަރީ މަގާއި އަދި ބޮޑުތަކުރުފާނުމަގާއި ދެމެދު

ޢިއްޒުދީންމަގު: ބުރުޒުމަގު އަދި އުޖާލާހިނގުމާއި ދެމެދު

ޝަހީދުޢަލީހިނގުން: ބުރުޒުމަގު އަދި އަމީނީމަގާއި ދެމެދު

ކަނބާއައިސާރަނި ހިނގުން: ބުރުޒުމަގު އަދި އަމީނީމަގާއި ދެމެދު

އަމީނީމަގުގެ ޒަމާނީ ފެންވަރަށް ހެދުމުގެ މަސައްކަތް ފަށައިފައިވަނީ މިދިޔަ ސަރުކާރުގެ ތެރޭގައެވެ.