އިޒްރާއިލުން ފަލަސްޠީނުގެ 17 އަހަރުގެ ކުއްޖަކު ޝަހީދުކޮށްލައިފި

އިޒްރާއިލުން ފަލަސްޠީނުގެ ނާބުލްސް އަށް ވަދެ ގަނެ ފަލަސްޠީނުގެ 17 އަހަރުގެ ޒުވާނަކު ޝަހީދުކޮށްލައިފިއެވެ.

ހަމްޒާ އަމްޖަދް އަލް އަޝްޤަރް، 17 އަހަރު ޝަހީދު ކޮށްލައިފައިވަނީ ނާބުލްސް ގައި ހިންގި މިލިޓަރީ ރެއިޑެއްގައި އޭނާގެ މޫނަށް އަމާޒުކޮށް ޖެހި ވަޒަނެއްގެ ސަބަބުން ކަމަށް ފަލަސްޠީނުގެ ހެލްތް މިނިސްޓްރީ އިން ބުނެފައިވެއެވެ.

ރޮއިޓާސް އިން ބުނެފައިވަނީ އިޒްރާއިލުން 17 އަހަރުގެ ހަމްޒާ ސިފަކޮށްފައިވަނީ ބަޑިހިފައިގެން ހުރި ހަނގުރާމަވެރިއެއްގެ ގޮތުގައެވެ. 17 އަހަރުގެ ހަމްޒާ ގެ މަރަކީ 2002 ގެ ފަހުން ހުޅަނގު އައްސޭރީގައި ހިންގާ އެންމެ އަނިޔާވެރި ޢަމަލުތަކުގެ ތެރޭގައި ހިމެނޭ ކަމެކެވެ. މި އަހަރުގެ މިހާތަނަށް ފަލަސްޠީނުގެ 42 މީހަކު އިޒްރާއިލުން ޝަހީދުކޮށްލައިފައިވެއެވެ. އޭގެ ތެރޭގައި ހަތިޔާރު ނެތް ޢާންމުންނާއި ބައެއް ހަނގުރާމަ ވެރިން ހިމެނެއެވެ.

ޖެނުއަރީ މަހުގެ 27 ވަނަ ދުވަހު ފަލަސްޠީނުގެ ހަނގުރާމަވެރިޔަކު އިރުމަތީ ޤުދުސްގައި އިޒްރާއިލުގެ 7 މީހެއްގެ ގަޔަށް ބަޑިޖަހައި ވަނީ މަރައިލައިފައެވެ. އޭގެ އަނެއް ދުވަހު އިޒްރާއިލްގެ މިލިޓަރީ އން ވަނީ ޖެނީން އަށް ވަދެ ބަޑީގެ ހަމަލާތަކެއް ދީ ފަލަސްޠީނުގެ 10 މީހަކު ޝަހީދު ކޮށްލައިފައެވެ.

އިޒްރާއިލް ސިފައިން ހިންގާ މިލިޓަރީ ރެއިޑް ތަކަކީ ސަލާމަތާއި ރައްކާތެރިކަން ކަށަވަރު ކުރުމަށް ކުރާ ކަމެއް ކަމަށް އިޒްރާއިލުން ދަނީ ބުނަމުންނެވެ.