މި ސަރުކާރުގެ ކޮރަޕްޝަން ބެލުމަށް އިދާރާ ތަކުގައި އެދޭނަން: އާޒިމް
ނިމި މިދާ އެމްޑީޕީ ސަރުކާރުގެ ކޮރަޕްޝަންގެ މައްސަލަތައް ބެލުމަށް ކަމާގުޅޭ އިދާރާތަކުގައި އެދޭނެ ކަމަށް ދަ ޑިމޮކްރެޓްސް ގެ ޕާލަމެންޓްރީ ގްރޫޕުގެ ލީޑަރ އަދި މެދު ހެންވޭރު ދާއިރާގެ މެންބަރު ޢަލީ ޢާޒިމް ވިދާޅުވެއްޖެއެވެ.
ޢާޒިމް ކުރެއްވި ޓްވީޓެއްގައި ވިދާޅުވީ، އިންތިޚާބުން ބަލިވުމުން ބަލި ގަބޫލުނުކުރެވިގެން ތެޅިގަތުމަކީ ބުއްދިވެރި ގޮތެއް ނޫން ކަމަށެވެ.
އަދި އޭނާ ނިސްބަތްވާ ދަ ޑިމޮކްރެޓްސް އިން މިހާރު މަސައްކަތް ފަށްޓަވާފައި ވަނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ މި ސަރުކާރުގެ ކޮރަޕްޝަންގެ މައްސަލަތައް ބެލުމަށް އިދާރާ ތަކުގައި އެދެން ކަމަށްވެސް ޢާޒިމް ވިދާޅުވި އެވެ.
"އަޅުގަނޑުމެން (ދަ ޑިމޮކްރެޓްސް) އަވަސްވެ މިގަންނަނީ ނިމި މިދާ ސަރުކާރުގެ ކްރަޕްޝަންގެ މައްސަލަތައް ބެލުމަށް ކަމާގުޅޭ އިދާރާތަކުގައި އެދެން." ޢާޒިމް ވިދާޅުވި އެވެ.
އާޒިމް މިފަދައިން ވިދާޅުވެފައިވާއިރު، ޑިމޮކްރެޓްސް ގެ އެންމެ ތާއީދު އޮތް އެޕާޓީ އަށް ނިސްބަތްވާ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލައެއް އެމްޑީޕީީ މެންބަރުން ވަނީ މަޖިލީހަށް ވައްދާފައެވެ.
އެކަމަށް ފާޑު ވިދާޅުވަމުން އޭނާ އިތުރަށް ވިދާޅުވީ އެ މައްސަލަ މަޖިލީހަށް ވައްދާފައިވަނީ އިންތިހާބީ ރައީސް ޑރ. މުހައްމަދު މުއިއްޒު ހުވާ ކުރެއްވުމަށް ހުރަސް އެޅުމަށް ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
