އުރީދޫ ނޭޝަން ފީފާ ޓޯނަމަންޓް 3 ގައި ބައިވެރިވުމަށް ހުޅުވާލައިފި

އުރީދޫ ނޭޝަން އިން ރާއްޖޭގެ އެކި ކަންކޮޅުތަކުގައި ކުޅިވަރު ކުޅޭ ފަރާތްތަކަށް ހާއްސަކޮށްގެން ބާއްވާ ފީފާ މުބާރާތަށް އޮންލައިން ރަޖިސްޓްރީވުމުގެ ފުރުސަތު މިއަދު ހުޅުވާލައިފި އެވެ.

އުރީދޫ އިން ބުނިގޮތުގައި އުރީދޫ ނޭޝަން ފީފާ ޓޯނަމެންޓްގައި ރެޖިސްޓަރ ވުމަށް ޝައުގުވެރިވާ ފަރާތްތަކަށް 15 ޑިސެމްބަރ 2022 ގެ ކުރިން http://ore.do/fifa23 މެދުވެރިކޮށް ރަޖިސްޓަރ ކުރެވޭނެއެވެ.

16 ޑިސެމްބަރ 2022 ގައި ފެށުމަށް ހަމަޖެހިފައިވާ އުރީދޫ ނޭޝަން ފީފާ މުބާރާތަކީ އީޓުއެސް ގޭމިންގް ފުވައްމުލައް އަތޮޅު ކައުންސިލާއި މަންނަމް ކެފޭ އަދި ކްލަބް ކޮރަލްސް ގުޅިގެން މާލެ ސިޓީ، ފުވައްމުލައް ސިޓީ، އައްޑޫ ސިޓީ އަދި ކުޅުދުއްފުށި ސިޓީ ހިމެނޭ ހަތަރު ސިޓީގައި ފެށުމަށް ހަމަޖެހިފައިވާ މުބާރާތެއް ކަމަށް ވެސް އުރީދޫ އިން ވަނީ ބުނެފައެވެ.

އަދި މީގެ އިތުރުން، ރަޖިސްޓްރީކޮށްފައިވާ ބައިވެރިން މުބާރާތުގެ ގްރޫޕް ސްޓޭޖާއި ނޮކްއައުޓް ސްޓޭޖާއި ސެމީ ފައިނަލް އަދި ފައިނަލް ހިމެނޭ ގޮތަށް 4 މަރުހަލާއެއްގައި ވާދަކުރާއިރު، އީއޭ ފީފާ އޮންލައިން މުބާރާތްތަކުގެ ރަސްމީ ގައިޑްލައިންތަކާ އެއްގޮތަށް ބައިވެރިން އަމަލުކުރަން ޖެހޭ ކަމަށްވެސް އުރީދޫއިން ބުނެއެވެ.

މުބާރާތުގައި އެއްވަނަ އަށްދާ ފަރާތަކަށް ނިކާއީ 65 އިންޗިގެ ސްމާޓް ވެބް އޯއެސް 4ކޭ އަލްޓްރާ އެޗްޑީ ޓީވީ އެއް ލިބިގެންދާނެއެެވެ.

ދެވަނަ އަށްދާ ފަރާތަށް ގޭމިން ކިޓް ( ކީބޯޑް، މައުސް، ހެޑްފޯން އަދި މައުސް ޕެޑް) އާއި ތިންވަނަ އަށް ދާ ފަރާތަކަށް ހައިސެންސް ބާ އެޗްއެސް 201-60 2.0 ޗެނަލް ސައުންޑް ބާއެއް ލިބޭނެއެވެ.

އުރީދޫ ނޭޝަން ފީފާ މުބާރާތަކީ ގޭމް ކުޅޭ ފަރާތްތަކަށް ވޯލްޑް ކަޕް ގަތަރު 2002 ގެ ތަޖުރިބާ އިތުރަށް ފުރިހަމަ ކުރުމުގެ ގޮތުން އެ ކުންފުނީގެ އުރީދޫ ފުޓްބޯޅަ ފޯރި ކެމްޕެއިންގެ ދަށުން މި މަހުގެ ކުރީކޮޅު އިއުލާން ކުރި މުބާރާތެކެވެ.

އުރީދޫ ފުޓްބޯލް ފޯރީ އޮފާތަކާ ބެހޭ އިތުރު މައުލޫމާތު ހޯދުމަށް: http://ore.do/footballfoari ޒިޔާރަތް ކުރުމަށް އެ ކުންފުނިން އެދެއެވެ.