ދޫނިފިހާރަ ގުރުއާން މުބާރާތް 1445 ގެ ވަނަތަކަށް އިނާމް ހުށަހެޅުމުގެ ފުރުސަތު އާންމުކޮށް ހުޅުވާލައިފި
މުއިވެޔޮ 5 އަނގޮޅި ކަންމަތީ ޒުވާނުން އިސްނަގައިގެން ބޭއްވި، ދޫނިފިހާރަ ގުރުއާން މުބާރާތް 1445 ގެ ވަނަތަކަށް އިނާމް ހުށަހެޅުމުގެ ފުރުސަތު އާންމުކޮށް ހުޅުވާލައިފިއެވެ.
ވޮއިސް އަށް މައުލޫމާތު ދެއްވަމުން ދޫނި ފިހާރައިގެ ވެރިޔާ އާދަމް އަހުމަދު ފުޅު ވިދާލުވީ މިމުބާރާތަކީ މުއިވެޔޮ 5 އަނގޮޅި ކަންމަތީގެ ޒުވާނުންތަކެއްގެ އިސްނެގުމަށް ދޫނި ފިހާރައިގެ ފަރާތުން އިންތިޒާމްކޮށްގެން ކުރިއަށްގެންދިޔަ މުބާރާތެއް ކަމަށެވެ.
މިއަހަރުގެ މުބާރާތް ހުޅުވާލީ މުއިވެޔޮ 5 އަނގޮޅިއަށް.. އެގޮތުން މިއަހަރުގެ މުބާރާތުގައި ތިން އުމުރުފުރާ އަކުން ޖުމްލަ 22 ދަރިވަރުން ބައިވެރިވެ ވާދަކޮށްފައި ވެއެވެ. އަދި މުބާރާތުގެ އެއްވަނަ އިނާމަކަށް 10,000, އަދި ދެވަނަ އިނާމަކަށް 7,000 ގެ އިތުރުން ތިންވަނަ އިނާމަކަށް 5,000 ރުފިޔާގެ ފައިސާގެ އިނާމެއް ހުށަހަޅާފައިވާ އިރު، މުބާރާތް ކުރިއަށް ގެންގޮސްފައިވަނީ 12 އަހަރުންދަށް، 9 އަހަރުންދަށް އަދި 6 އަހަރުން ދަށުގެ އުމުރުފުރާ ވަކިންނެވެ.
އިތުރަށް ވާހަކަދައްކަމުން އާދަމް އަހުމަދު ފުޅު ވިދާލުވީ ނަތީޖާ ފާޅުކުރުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ އީދު ދުވަސް ނޫން އަނެއް ދުވަހުކަށާއި، މުބާރާތްގެ ވަނަތަކަށް އިނާމް ހުށަހެޅުމުގެ ފުރުސަތު އާންމުކޮށް ހުޅުވާލެވިފައިވާ ކަމަށެވެ. އަދި ވަނަތަކަށް އިނާމް ހުށަހެޅުއްވުމަށް ބޭނުންފުޅުވެލައްވާ ފަރާތްތަކުން 9501950 ނުވަތަ 9306030 ނަންބަރު ފޯނަށް ގުޅުން އެދެމެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
