ޗައިނާ އަތުން ރާއްޖޭގެ ކުރިކެޓް ޓީމަށް މޮޅެއް

މިހާރު ކުރިއަށްދާ އައިސީސީ ޓީ20 ކްރިކެޓް ވޯލްޑް ކަޕް 2028 ގެ ސަބް ރީޖަނަލް ކޮލިފައިންގައި މިއަދު ޗައިނާ އާއި ދިވެހިރާއްޖޭގެ ކްރިކެޓް ޓީމް ބައްދަލުކުރި މެޗް ރާއްޖެ ކާމިޔާބު ކޮށްފިއެވެ.

މެލޭޝިއާގައި ކުރިއަށްދާ މި މުބާރާތުގައި މިއަދު ޗައިނާ އާއި ރާއްޖެ ބައްދަލުކުރިމެޗް ރާއްޖެ ކާމިޔާބުކުރީ 10 ވިކެޓުންނެވެ. މި މެޗުގައި ރާއްޖޭގެ ޔޫސުފް އަޒްޔާން ވަނީ އާދަޔާޚިލާފު މޮޅު ކުޅުމެއް ދައްކައި، މެޗުގެ އެންމެ މޮޅު ކުޅުންތެރިޔާގެ މަގާމު ހޯދާފައެވެ. އޭނާ ވަނީ އުކުމުގެ ތެރެއިން 33 ރަނަށް 3 ވިކެޓް ނަގާފައެވެ.

ޟި މެޗްގައި އަޒްޔާންއާއެކު ދެން ބެޓް ކުރަން ނުކުތް މުޙައްމަދު ރިޝްވާން ވެސް ވަނީ މޮޅު ކުޅުމެއް ދައްކާފައެވެ. ދެ ކުޅުންތެރިންގެ މޮޅު ކުޅުމާއެކު، 10.1 އޯވަރުގެ ތެރޭގައި އެއްވެސް ކުޅުންތެރިއަކު ނުބޭރުވެ ރާއްޖެއިން ވަނީ 100 ލަނޑު ހަމަކޮށް މެޗު ކާމިޔާބުކޮށްފައެވެ.

މުބާރާތުގައި ރާއްޖެ ދެން ބައްދަލުކުރާނީ ސިންގަޕޫރާއެވެ. މި މެޗު އޮންނާނީ މާދަމާ، ރާއްޖެ ގަޑިން ހެނދުނު 11:00 ގައި ސެލަންގޯރ ޓާފް ކްލަބްގައެވެ.