ޒުވާން ޤައުމީޓީމް ތައިލެންޑަށް ފުރައިފި
އޭއެފްސީ 17 އަހަރުން ދަށުގެ އޭޝިއަން ކަޕް ކޮލިފިކޭޝަންގައި ވާދަކުރުމަށް ރާއްޖޭގެ 17 އަހަރުން ދަށުގެ ޤައުމީ ފުޓްބޯޅަ ޓީމު މިއަދު ތައިލެންޑަށް ފުރައިފިއެވެ.
މި މުބާރާތުގައި ރާއްޖެ ހިމެނެނީ ގްރޫޕް 'ބީ' ގައެވެ. މި ގްރޫޕުގައި ރާއްޖެއާއެކު ދެން ހިމެނެނީ މުބާރާތް ބާއްވާ ޤައުމު ކަމަށްވާ ތައިލެންޑުގެ އިތުރުން އިރާޤާއި، ހޮންގްކޮންގް އަދި ޗައިނީޒް ތައިޕޭއެވެ.
ކޮލިފިކޭޝަންގެ މެޗުތައް ކުރިއަށްދާނީ ތައިލެންޑުގައެވެ. ރާއްޖޭގެ ޒުވާން ޓީމު މި މުބާރާތަށް ކުރިމަތިލަނީ ރަނގަޅު ނަތީޖާއެއް ހޯދުމުގެ އުންމީދުގައެވެ. މުބާރާތަށް ތައްޔާރުވުމުގެ ގޮތުން ޒުވާންޓީމް ވަނީ މިފަހުން ފަލަސްތީނާއެކު ރަހުމަތްތެރިކަމުގެ ދެ މެޗް ކުޅެފައެވެ. ގަލޮޅު ދަނޑުގައި ކުޅުނު ދެމެޗްގެ ތެރެއިން ފުރަތަމަމެޗް ފަލަސްތީނު ޓީމުން ކާމިޔާބުކުރީ 5-0 ގެ ނަތިޖާއިންނެވެ. އަދި ފަހު މެޗް ކާމިޔާބުކުރީ 3-0 ގެ ނަތީޖާއިންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
