މަޖިލީހުގެ ވިލިމާލެ ދާއިރާއަށް ވާދަކުރައްވަން މުހައްމަދު އިސްމާއީލް ނިންމަވައިފި
އަންނަ އަހަރު ބޭއްވުމަށް ހަމަޖެހިިފައިވާ 20 ވަނަ ރައްޔިތުންގެ މަޖިލީހުގެ ވިލިމާލެ ދާއިރާގެ ގޮނޑިއަށް ވާދަކުރެއްވުމަށް ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއީލް ނިންމަވައިފިއެވެ.
މިކަމާއި ގުޅޭގޮތުން މުހައްމަދު އިސްމާއީލް ކުރެއްވި ޓްވީޓެއްގައި އޭނާ ވަނީ ވިލިމާލެ ދާއިރާގެ އެންމެހައި ރައްޔިތުންގެ ފުރިހަމަ ތާއީދަށް އެދިވަޑައިގަންނަވާފައެވެ.
މުހައްމަދު އިސްްމާއީލަކީ ޕީޕީއެމް/ޕީއެންސީގެ ކަންތައްތަކުގައި އިސްވެ ހަރަކާތްތެރިވެވަޑައިގަންނަވާ ބޭފުޅެކެވެ.
މިމަހު 23 ގައި ޕީޕީއެމް/ޕީއެންސީން ބޭއްވުމަށް ހަމަޖެހިފައިވާ މަޖިލިސް ޕްރައިމަރީގައި އެމްއެންޕީ އާއި އެމްޑީއޭ ވެސް ބައިވެރިކުރަން ވަނީ ނިންމާފައެވެ. މި ކޯލިޝަންގެ އަމާޒަކީ މަޖިލީހުގެ މެޖޯރިޓީ ނެގުން ކަަމަށް ޕީއެންސީގެ ރައީސް އަބްދުއްރަހީމް އަބްދުالله ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
