ރައްޔިތުންގެ މަޖިލީހަށް ކުރިމަތި ނުލާނޭ އަދި ދަންނަވާކަށް ނެތިން - ރައީސް ނަޝީދު
ލިޔުންތެރިޔާ
ޝަފްރާޒް އަހްމަދު
ރައްޔިތުންގެ މިޖިލީހަށް ކުރިމަތި ލާނެކަން އަދި ނުލާނެކަން ނިންމަވާފައި ނުވާކަމަށް ރައީސް ނަސީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައިވަނީ ރައްޔިތުންގެ މަޖިލީހަށް ރައީސް ނަޝީދު ކުރިމަތިލައްވަން އުޅުއްވާ ކަމުގެ އަޑުތަކާ ބެހޭގޮތުން ނޫސްވެރިއަކު ކުރި ސުވަލަކަށް ޖަވާބު ދެއްވަމުންނެވެ.
"ތިކަމަށް އަޅުގަނޑު އަދި ސީދާ ގޮތެއް ނުނިންމަން" ރައީސް ނަޝީދު ވިދާޅުވި އެވެ.
އަދި އެމަނިކުފާނަކީ އަބަދުވެސް ބަރުލަމާނީ ނިޒާމަށް ތާއިދު ކުރާ ފަރާތެއް ކަން ތަކުރާރު ކުރެއްވިއެވެ. އަދި ސާފު ގޮތުގައި ވެރިކަން ހިންގުމަށް އެންމެ ރަނގަޅު ނިޒާމަކީ ބަރުލަމާނީ ނިޒާމުކަން ވަނީ ފާހަގަކުރައްވާފައެވެ.
ރައީސް ނަޝީދު މަޖިލީހަށް ކުރިމަތި ލުމާ ބެހޭގޮތުން ވާހަކަ ދައްކަވަމުން އިތުރަށް ވިދާޅުވީ މަޖިލިސް އޮތީ ހަމަ މަގަށް އަޅުވަން ޖެހިފައިކަމަށެވެ.
ރައީސް ނަޝީދު މަޖިލީހަށް ކުރިމަތި ލާކަމުގައި ވަނީ ނަމަ ރާއްޖޭގެ ވެރިކަން ކުރާ ނިޒާމް ބަރުލަމާނީ ނިޒާމަކާ ދިމާލަށް މިސްރާބު ޖެހުމަކީ ވަރަށް ކާރި ކަމެއްކަން ފާހަގަކޮށްލަން ޖެހެއެވެ.
ރައީސް މައުމޫން ގެ ދައުރުގައި ވަނީ ވެރިންކަން ކުރާ ދެ ނިޒާމް ކަނޑައެޅުމަށް ރައްޔިތުންގެ ފެންނަ ނުފެންނަ ވޯޓެއް ނަގާފައެވެ. ރައްޔިތުން ރިޔާސީ ނިޒާމަށް އޭރު ނިންމި އިރު އޭރުގެ ރައީސް މައުމޫން ގެ އިސްލާހީ އެޖެންޑާގައި ފާހަގަކުރައްވާފައިވާ އިސްލާހުތައް ބޮޑަށް ހުރީ ބަރުލަމާނީ ނިޒާމަކަށް ކަން ވެސް ފާހަގަކޮށްލަން ޖެހެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
