4 ރަށެއްގެ ކައުންސިލް ބައި އިލެކްޝަނުގައި ވާދަކުރުމަށް ހުށަހެޅުމަށް ހުޅުވާލައިފި

ހަތަރު ރަށެއްގެ ކައުންސިލްގެ ހުސްވެފައިވާ ގޮޮނޑިތަކަށް މެންބަރުން އިންތިޚާބުކުރުމަށް ބާއްވާ ބައި އިލެކްޝަންގައި ވާދަކުރުމަށް ހުށަހެޅުމުގެ ފުރުސަތު އިލެކްޝަންސް ކޮމިޝަނުން ހުޅުވާލައިފިއެވެ.

ބައި އިލެކްޝަނަށް ހުޅުވާލައިފައިވަނީ، ބ.ފެހެންދޫ ކައުންސިލްގެ އަންހެން މެންބަރާއި ވ.ރަކީދުއާއި ފ.ދަރަނބޫދޫއާއި ގދ.މަޑަވެލި ކައުންސިލުން ހުސްވެފައިވާ ގޮނޑިތަކަށެވެ.

މި ގޮނޑިތަކަށް ކުރިމަތިލުމުގެ ފުރުސަތު، މިއަދުން ފެށިގެން މި މަހުގެ 27 ވާ ބުދަ ދުވަހުގެ 14:00 ގެ ނިޔަލަށް އިލެކްޝަންސް ކޮމިޝަނުން ވަނީ ހުޅުވާލައިފައެވެ.

މި ބައި-އިލެކްޝަންތަކުގެ ވޯޓު ނެގުމަށް ހަމަޖެހިފައިވަނީ ޖެނުއަރީ 27 ވާ ހޮނިހިރު ދުވަހުގެ 8:00 އިން 16:00 އަށްކަމުގައި އެ ކޮމިޝަނުން ވަނީ ބުނެފައެވެ. ވޯޓު ގުނަން ފަށާނީ ހަމަ އެދުވަހު ވޯޓު ނަގާ ނިމޭތާ 30 މިނެޓުގެ ހުސްވަގުތުކޮޅަކަށް ފަހުގައެވެ. އަދި އިންތިޚާބުގެ ރަސްމީ ނަތީޖާ އިއުލާންކުރުމަށް ހަމަޖެހިފައިވަނީ ޖެނުއަރީ 29 ވާ ހޯމަދުވަހުގައެވެ.