ހައިވޭގައި ބާރު ސްޕީޑްގައި ދުއްވި ސައިކަލްގައި ޖެހުނު ފުލުސް މީހާއަށް ސީރިއަސް އަނިޔާތަކެއް
ސިނަމާލެ ބްރިޖް ހައިވޭގައި ރޭ ފަތިހު ހިނގި އެކްސިޑެންޓްގައި އަނިޔާވި ޓްރެފިކް ފުލުސްމީހާއަށް ސީރިއަސް އަނިޔާތަކެއް ލިބިފައިވާކަމަށް ފުލުހުން ބުނެފިއެވެ.
ރޭ ފަތިހު 04:29 ހާއިރު ބާރު ސްޕީޑްގައި ދުއްވި ސައިކަލެއް، އެވަގުތު ހައިވޭ ޑިއުޓީގައި ހުރި ފުލުހެއްގެ ގައިގައި ޖެހި ނުރައްކާތެރި އެކްސިޑެންޓެއް ވަނީ ހިނގާފައެވެ. ފުލުހުންގެ ތަރުޖަމާނު ވިދާޅުވީ މި އެކްސިޑެންޓްގައި އަނިޔާވި ފުލުހުންގެ އޮފިސަރަށް މިހާރު އޭޑީކޭ ހޮސްޕިޓަލުގައި ފަރުވާދެމުންދާކަމަށެވެ. ނަމަވެސް ލިބުނު އަނިޔާގެ ތަފްސީލެއް އަދި އާއްމުކޮށްފައެއް ނުވެއެވެ.
މި ހާދިސާ ހިނގާފައިވަނީ މާލެއިްނ ހުޅުމާލެއަށް ބާރު ސްޕީޑްގައި ދއުްވާފައިދިޔަ ސައިކަލް ކޮންޓްރޯލް ނުވެ ފުލުސް އޮފިސަރު ގައިގައި ޖެހިގެންނެވެ. މި ހާދިސާ ހިނގިއިރު ސައިކަލްގައި ދެ މީހުން ތިބިއިރު، ސައިކަލް ދުއްވަން އިން މީހާއަށް ސީރިއަސް އަނިޔާތަކެއް ނުލިބެއެވެ. އަދި ސައިކަލްގައި އިން އަނެއްމީހާ ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
މި އެކްސިޑެންޓްގައި ފުލުހުން މީހާ އަނިޔާވެގެން ވެއްޓިފައި އޮތް މަންޒަރު ވޮއިސްގެ ނޫސްވެރީންނަށް ފެނުނުއިރު، ސައިކަލު އޮތީ ދުރަށް ވިއްސައިގެން ގޮސްފަ އެވެ. މި ހާދިސާ ފުލުހުން ދަނީ ތަހްގީގް ކުރަމުންނެވެ.
ސިނަމާލެ ބްރިޖްގައި ބާރަށް ދުއްވާމީހުން ހުއްޓުވުމަށް ފުލުހުން އެކި ވަގުތުތަކުގައި ޗެކްޕޮއިންޓްތައް ގާއިމްކޮށް ނުގަވައިދުން ދުއްވާ މީހުން ހުއްޓުވުމުގެ މަސައްކަތް ކުރަމުން އަންނަކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
