ބާސެލޯނާއިން ލެވަންޑޯސްކީ ދޫކޮށްލަން ވިސްނަނީ
ބާސެލޯނާގެ ތަޖުރިބާކާރު ޕޮލެންޑް ސްޓަރިކަރު ރޮބާޓް ލެވަންޑޯސްކީ ދޫކޮށްލަން އެ ކުލަބުން ނިންމައިފިއެވެ.
2022 ވަނަ އަހަރު ބަޔަން މިއުނިކުން ބާސެލޯނާއަށް ބަދަލުވި ލެވަންޑޯސްކީ އަކީ ކްލަބުގެ އެޓޭކުގެ އެންމެ މުހިންމު އެއް ކުޅުންތެރިއާއެވެ. މީޑިއާގެ ބައެއް ރިޕޯޓްތައް ބުނާގޮތުގައި 38 އަހަރުގެ މި ކުޅުންތެރިޔާގެ އެއްބަސްވުމުގައި އިތުރު މުއްދަތަކަށް އެއްބަސްވުން އިތުރުކުރެވޭނެ މާއްދާއެއް ހިމެނިފައިވީ ނަމަވެސް، ކްލަބުގެ މެނޭޖްމަންޓުން މިހާރު ވިސްނަމުންދަނީ އެ އެއްބަސްވުން އައު ނުކުރުމަށެވެ.
މި ނިންމުމަށް ވިސްނަން ޖެހުނު މައިގަނޑު ސަބަބަކީ ކްލަބުގެ ސްޓްރެޓެޖީއަށް ގެންނަން ބޭނުންވާ ބަދަލުތަކާއި އެކު، ލެވަންޑޯސްކީގެ އުމުރުވެ. ބާސެލޯނާގެ އަމާޒަކީ ޓީމު އައުކޮށް، ޒުވާން އަދި ހަރަކާތްތެރި ސްޓްރައިކަރުންތަކެއް ގެނައުންކަމަށް ސްޕެއިންގެ ބައެއް މީޑިއާތަކުން ވަނީ ބުނެފައެވެ. ލެވަންޑޯސްކީ ކްލަބަށް ކުޅެފައިވާ 156 މެޗުން 105 ލަނޑު ޖަހާފައިވީ ނަމަވެސް، އޭނާގެ އުމުރާއެކު ކުރިން ކުޅުނު މޮޅު ކުޅުން ދައްކަން އޭނާއަށް ވަނީ އުނދަގޫ ވެފައެވެ.
ލެވަންޑޯސްކީ އަކީ ބޮރޫސިއާ ޑޯޓްމަންޑް އާއި ބަޔަން މިއުނިކްގައި ކުޅެ، ދެ ފަހަރު ޔޫރަޕިއަން ގޯލްޑަން ބޫޓް ހޯދި، ދުނިޔޭގެ ފުޓްބޯޅައިގެ އެންމެ މޮޅު ކުޅުންތެރިންގެ ތެރޭގައި ހިމެނޭ ކުޅުންތެރިއެކެވެ.
ކްލަބުން މި ނިންމުން ނިންމައިފިނަމަ، ޕޯލެންޑްގެ ކެޕްޓަންގެ ބަދަލުގައި ގެންނާނެ ދިގު މުއްދަތުގެ ހައްލެއް ހޯދުމަށް މަސައްކަތް ފަށަން ޖެހޭނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
