އިންޓަރ އޮފީސް ކްރިކެޓް މުބާރާތުގެ ޗެންޕިއަންކަން ޑީއެސްސީ އިން ހޯދައިފި

ރަމަޟާން ކްރިކެޓް ކާނިވަލްގައި ހިމެނޭ އޮފީސް މުބާރާތުގެ ފައިނަލުގައި ހުކުރު ދުވަހުގެ ހަވީރު ކަސްޓަމްސް ރެކްރިއޭޝަން ކުލަބު (ސީއާރުސީ)، ދިވެހި ސިފައިންގެ ކްލަބު (ޑީއެސްސީ) ވާދަކުރި މެޗު ހަތް ވިކެޓުން ކާމިޔާބުކޮށް ޑީއެސްސީ އިން މުބާރާތުގެ ޗެންޕިއަންކަން ހޯދައިފި އެެވެ.

މުބާރާތުގެ ފައިނަލުން ސީއާރުސީ ޖާގަހޯދީ ސެމީފައިނަލުގެ ފުރަތަމަ މެޗުގައި ހަތަރު ވިކެޓުން ޓީމު ޚާރިޖީ ބަލިކުރުމަށްފަހު އެވެ. އަދި ޑީއެސްސީ ފައިނަލުން ޖާގަހޯދީ ސެމީފައިނަލްގެ ދެވަނަ މެޗުގައި ފަސް ވިކެޓުން މީރާ ބަލިކުރުމަށްފަހު އެވެ.

1 މާރިޗު 2025 އިން 21 މާރިޗު 2025 ގެ ނިޔަލަށް ކުރިއަށް ގެންދިޔަ މިމުބާރާތުގައި މިއަހަރު ޖުމްލަ 10 ޓީމަކުން ވާދަކޮށްފައިވާއިރު މުބާރާތް ކުރިއަށް ގެންގޮސްފައި ވަނީ ބައިވެރިވި 10 ޓީމު ދެ ގުރޫޕްކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދި ދެޓީމު ވަނީ ސެމީ ފައިނަލަށް ހޮވިފައެވެ.

އިއްޔެ ހަވީރު ކުޅިވަރު އެކުވެނީގައި ކުޅުނު ފައިނަލުގައި، ޓޮސް ދިމާވުމުން ސީއާރުސީ އިން ގަސްދުކުރީ ކުޅެން އަރާށެވެ. އެ ގޮތުން، އެ ޓީމުން، ކުޅެންއަރައި އަށް އޯވަރު ހަމަވިއިރު ހަތް ކުޅުންތެރިން ނުބައިވެގެން ހެދުނީ 107 ލަނޑެވެ. ޖަވާބުގައި ކުޅެން ނުކުމެ، ޑީއެސްސީ އިން ވަނީ ހަތް ވަނަ އޯވަރުގައި 109 ލަނޑު ހަމަކޮށް މެޗު ކާމިޔާބުކޮށްފައެވެ.

މިމެޗުގައި ޑީއާރުސީ ޓީމުން އެންމެ ރަނގަޅަށް ކުޅުނުނީ 16 ބޯޅައިން 29 ލަނޑު ހެދި ފައިސަލް އަބްދުލް ސައްތާރު އެވެ. އަދި ޑީއެސްސީ ޓީމުން އެންމެ އެންމެ ރަނގަޅަށް ކުޅުނީ 20 ބޯޅައިން 34 ލަނޑު ހެދި އަބްދުﷲ ޝާހިދު އާއި 12 ބޯޅައިން 27 ލަނޑު ހެދި އިސްމާއިލް ނާޝިދު އެެވެ.