ތުރްކިޔޭ ސީރިޔާ ބިންހެލުން: މަރުވި މީހުންގެ ޢަދަދު 36000

ތުރްކިޔޭ އާއި ސީރިޔާ އަށް އައި ބާރުގަދަ ބިންހެލުމަށް ހަފްތާ އެއް ވީއިރު މަރުވި މީހުންގެ ޢާދަދު 36000 އަށް އަރައިފިއެވެ.

ބިންހެލުން ތަކުގެ ސަބަބުން ތުރްކިޔޭ އިން 31643 މީހުން މަރުވެފައިވާއިރު ސީރިޔާ އިން 4500 މީހުން ވަނީ މަރުވެފައެވެ.

"ރެސްކިޔު ޓީމްތަކުން ކުރަމުންދާ ހިތްވަރު ހުސްވަމުންދާއިރު، ދުނިޔެއިން ވަނީ ހުޅަނގުއުތުރު ސީރިޔާ ފެއިލްކޮށްލާފައި، ކާރިސާގައި ސަލާމަތްވީ މީހުންވެސް ތިބީ އެހީއެއް ނެތި ދޫކޮށްލައިފައި" ޔޫއެންގެ އެއިޑް ޗީފް ވިދާޅުވިއެވެ.

ސީރިޔާގެ މީހުންނަށް އެހީ ފޯރުކޮށްދިނުމަށް ދަނީ ދަތިތައް ދިމާވަމުންނެވެ. ހަނގުރާމައިގެ ސަބަބުން ހާލުގައިޖެހި ފައި ތިބި މީހުންގެ ތަކްލީފުތަކުގެ މައްޗަށް އިތުރު ތަކްލީފެއް މިވަނީ ކުރިމަތިވެފައެވެ.

ޔޫއެންއިން ސީރިޔާގެ ސަރުކާރުގެ ބާރުގެ ދަށުގައި ހުރި ހިސާބުތަކަށް އެހީ ފޯރުކޮށްދިނުމުގެ މަސައްކަތް ދަނީ ކުރަމުންނެވެ.  ހަނގުރާމައިގެ ސަބަބުން ހާލުގައި ޖެހިފައިތިބި މީހުންގެ ހާލަތު މިވަނީ އިތުރަށް ގޮއްސައެވެ.

ކާރިސާއަށް ހަފްތާ އެއް ވެފައިވާއިރު ދުނިޔެއިން ވަނީ ސީރިޔާގެ ހުޅަނގުއުތުރުގެ ރައްޔިތުން ފެއިލް ކޮށްލައިފައެވެ.

ހަނގުރާމައިގައި ހަލާކުވި ސީރިޔާގެ އަތްރަބް ޓައުންގެ މީހުން ފުނޑުފުނޑުވެފައިވާ އެމީހުންގެ ގެތަކުގެ ތެރެއިން އެމީހުންގެ ދިރިއުޅުމުގެ ނިޝާންތަކާއި އަސަރުތައް ހޯދައި އިންސާނީ އެހީ އަށް އަދިވެސް ދަނީ އިންތިޒާރު ކުރަމުނެވެ.

އެކްސްކެވޭޓަރު ތައް ބޮޑެތި ކޮންކްރިޓްތައް ދުރަށް ޖައްސަމުންދާއިރު ފަކީރާ ހިފައިގެން އެއްބަޔަކު ފުނޑުފުނޑު ވެފައިވާ ގައުތައް އެއްފަރާތް ކުރުމުގެ މަސައްކަތް އަންނަނީ ކުރަމުންނެވެ.

ހަނގުރާމައިގެ ސަބަބުން ގެދޮރު ގެއްލުނު މީހުންގެ ތެރެއަށް ބިންހެލުންތަކުގެ ސަބަބުން ބޯހިޔާވަހިކަން ގެއްލުނު މީހުން މިވަނީ އިތުރުވެފައެވެ. ސީރިޔާގައި ހަރަކާތް ތެރިވަމުންދާ ވޮލެންޓިއަރުން ބަހާ ކާބޯތަކެތި ހޯދުމަށް ކިޔުގައި ޖެހޭ މީހުން ވަނީ އިތުރުވެފައެވެ.