ކްލަބް މޯލްޑިވްސް ކަޕް: މާލޭ ސިޓީ ކައުންސިލާއި، މޯލްޑިވިއަން ބައްދަލުކުރާ މެޗް މިރޭ!

ކްލަބް މޯލްޑިވްސް ކަޕްގައި މިރޭ އޮންނަ މެޗުގައި މޯލްޑިވިއަންގެ ޓީމާއި ދެކޮޅަށް ނުކުތުމަށް ނާލެ ސިޓީ ކައުންސިލުން ތައްޔާރުވެއްޖެއެވެ.

މި މެޗް ފެށުމަށް ހަމަޖެހިފައިވަނީ މިރޭ 08:05 ގައި ހުޅުމާލެ ރެހެންދި ފުޓްސަލް ދަނޑުގައެވެ.

މި މުބާރާތުގައި މާލެސިޓީ ކައުންސިލުން މީގެ ކުޅުނު މެޗުގައި، ރޯޑް ރެކްރިއޭޝަން ކްލަބް (އާރްއާރްސީ) އާއި ބައްދަލު ކުރި މެޗުން، 4-1 މާލެ ސިޓީ ކައުންސިލް ބަލިވެފައި ވާއިރު، މޯލްޑިވިއަންއިން މީގެ ކުރިން ކުޅުނު މެޗު އެޓީމުން ވަނީ ކާމިޔާބު ކޮށްފައެވެ. އެގޮތުން މޯލްޑިވިއަން އާއި މީޑިއާނެޓް ބައްދަލު ކުރި މެޗުގައި އެ ޓީމުވަނީ 4-0 އިން މީޑިއާނެޓް ބަލިކޮށްފައެވެ.

މި މުބާރާތަށް މާލެ ސިޓީ ކައުންސިލްގެ ޓީމްގެ ކޯޗުކަން ކޮށްދެއްވާނީ ދިވެހި ފުޓްބޯޅައިގައި ގިނަ ކާމިޔާބީތަކެއް ހޯއްދަވާފައިވާ ތަޖުރިބާކާރު ކުޅުންތެރިއެއް ކަމަށްވާ ކްލަަބް ޓީނޭޖްގެ ކެޕްޓަން އަހުމަދު މުޙައްމަދު (އަންމަޑޭ) އެވެ.

މާލެ ސިޓީ ކައުންސިލް ޓީމުގެ މީޑީއާ ޕާޓްނަރަކީ ވޮއިސްއެވެ.