ފިހާރައެއްގެ ހަރުގައި މުދާ އަތުރާފައި- ފޮޓޯ/ އެޗްޑީސީ
ފިހާރައެއްގެ ހަރުގައި މުދާ އަތުރާފައި- ފޮޓޯ/ އެޗްޑީސީ
ވިޔަފާރި 14 Oct 2026 | 12:35

ވިއްކާ މުދަލުގައި އަގު ޖަހަން އަންގައިފި؛ ނުޖަހާނަމަ ފިޔަވަޅުއަޅާނެ

ވިޔަފާރިކުރާ ތަންތަނުގައި ވިއްކަން ބަހައްޓާފައި ހުންނަ މުދަލުގައި ސާފުކޮށް އެނގޭނޭހެން އަގު ޖެހުމަށާއި، އެގޮތަށް އަގު ނުޖަހާ ފަރާތްތަކާމެދު ޤާނޫނީ ފިޔަވަޅު އަޅާނެ ކަމަށް މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން އަންގައިފިއެވެ.

އިކޮނޮމިކް މިނިސްޓްރީން މިކަން ހާމަކޮށް މިއަދު ނެރުނު އިއުލާނެއްގައި ބުނީ، ފިހާރަތަކާއި ވިޔަފާރި ކުރާ އެހެނިހެން ތަންތަނުގައި ވިއްކަން ބަހައްޓާފައި ހުންނަ ގިނަ އަދަދެއްގެ މުދަލުގައި، މުދާ ގަންނަ ފަރާތްތަކަށް ސާފުކޮށް އެނގޭނޭހެން އަގު ޖަހާފައި ނުހުންނަކަމުގެ ޝަކުވާ އެ މިނިސްޓްރީއަށް ތަކުރާރުކޮށް ލިބެމުން އަންނަ ކަމަށެވެ.

އެ މިނިސްޓްރީން ބުނީ، ޤާނޫނު ނަންބަރު 12/2020 (މުދާ ގަންނަ ފަރާތްތަކާއި ޚިދުމަތް ލިބިގަންނަ ފަރާތްތައް ޙިމާޔަތްކުރުމުގެ ޤާނޫނު) ގެ 16 ވަނަ މާއްދާގެ (ހ) ގައި ބަޔާންކުރާ ގޮތުގެމަތިން، ވިއްކާ މުދަލުގެ އަގަކީ ކޮބައިކަން މުދާ ގަންނަ ފަރާތަށް ސާފުކޮށް އެނގޭގޮތަށް މެނުވީ، އެއްވެސް މުދަލެއް ވިއްކަން ބެހެއްޓުމަކީ ޤާނޫނީ ގޮތުން މަނާކަމެއް ކަމަށެވެ.

މި ޤާނޫނުގައި ބަޔާންކޮށްފައިވާ ގޮތުގެ މަތީން މުދަލުގައި އަގު ޖަހާފައިވާ ކަމަށް ބެލެވޭނީ މައިގަނޑު ދެ ގޮތަކަށެވެ:

1) މުދަލުގެ އަގު ސީދާ އެ މުދަލެއްގައި ލިޔެ، ޕްރިންޓްކޮށް ނުވަތަ ހަރުކޮށްފައި ހުރުން.

2) މުދާ ބަހައްޓާފައި ހުރި ތަނެއްގައި މުދަލުގެ އަގު ލިޔެފައި ނުވަތަ ހަރުކޮށްފައި ހުރުމާއެކު، އެއީ ކޮން މުދަލެއްގެ އަގެއްކަން ކަސްޓަމަރުންނަށް ސާފުކޮށް އެނގެން ހުރުން.

އެހެންކަމުން، މުދާ ވިއްކާ ހުރިހާ ވިޔަފާރިވެރިންވެސް ވިއްކަން ބަހައްޓާފައިވާ މުދަލުގައި، ޤާނޫނުގައިވާ ގޮތުގެމަތިން އަގު ސާފުކޮށް ފެންނަން ހުންނާނޭހެން ބެހެއްޓުމަށް އިކޮނޮމިކް މިނިސްޓްރީން ވަނީ އިލްތިމާސްކުރައްވާފައެވެ.

މީގެއިތުރުން، ވިޔަފާރިތަކުން މި މިންގަނޑުތަކާ އެއްގޮތަށް އަމަލުކުރޭތޯ ބެލުމަށްޓަކައި، މުދާ ގަންނަ ފަރާތްތަކާއި ޚިދުމަތް ލިބިގަންނަ ފަރާތްތައް ޙިމާޔަތްކުރުމުގެ ޤާނޫނުގެ 66 ވަނަ މާއްދާގެ ދަށުން ފިހާރަތައް އިންސްޕެކްޓްކޮށް މޮނިޓަރ ކުރަމުން ގެންދާނެ ކަމަށްވެސް އެ މިނިސްޓްރީން ބުނެފައިވެއެވެ.

އަދި ޤާނޫނާ ޚިލާފަށް އަގު ނުޖަހައި ވިޔަފާރިކުރާ ފަރާތްތަކާމެދު، އެ ޤާނޫނުގެ 84 ވަނަ މާއްދާގެ ދަށުން ފިޔަވަޅު އަޅަމުން ގެންދާނެ ކަމުގެ އިންޒާރުވެސް އިކޮނޮމިކް މިނިސްޓްރީން ވަނީ ދެއްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އެލައިޑް އިންޝުއަރެންސްގެ "އައިފޯން ޑްރޮޕް" އަލުން ފަށައި، އައިފޯން 18 ޕްރޯ މެކްސްއެއް ހޯދުމުގެ ފުރުސަތު ހުޅުވާލައިފި
22 Nov 2026 ވިޔަފާރި

އެލައިޑް އިންޝުއަރެންސްގެ "އައިފޯން ޑްރޮޕް" އަލުން ފަށައި، އައިފޯން 18 ޕްރޯ މެކްސްއެއް ހޯދުމުގެ ފުރުސަތު ހުޅުވާލައިފި

ރާއްޖޭގެ އެންމެ ބޮޑު އިންޝުއަރެންސް ކުންފުނި ކަމަށްވާ އެލައިޑް އިންޝުއަރެންސުން، 2026 ވަނަ އަހަރުގެ ދެވަނަ އައިފޯން ގިވްއަވޭ "އެލައިޑް އައިފޯން ޑްރޮޕް 2" ރަސްމީކޮށް ލޯންޗުކޮށްފިއެވެ. މި ޕްރޮމޯޝަންގެ ދަށުން ނަސީބުވެރި އެއް ފަރާތަކަށް މުޅިން އާ އައިފޯން 18 ޕްރޯ މެކްސް އެއް ލިބިގެންދާނެއެވެ.

ރާއްޖޭގައި ޕޭޕަލް ބޭނުންކުރާ މީހުންގެ އަދަދު 4،800 އަށްވުރެ މައްޗަށް އަރައިފި
18 Nov 2026 ވިޔަފާރި

ރާއްޖޭގައި ޕޭޕަލް ބޭނުންކުރާ މީހުންގެ އަދަދު 4،800 އަށްވުރެ މައްޗަށް އަރައިފި

މިމަހުގެ 1 ވަނަ ދުވަހާ ހަމައަށް ބޭރު ޤައުމުތަކުން ރާއްޖޭގެ ޕޭޕަލް އެކައުންޓްތަކަށް 100،000 އަށްވުރެ ގިނަ އެމެރިކާ ޑޮލަރު ޖަމާވެފައިވާކަމަށް އިކޮނޮމިކް މިނިސްޓްރީއިން ނެރުނު ތަފާސްހިސާބުތަކުން ދައްކައެވެ

އޭވިއޭޝަން ދާއިރާއާ ގުޅޭ ބައެއް ހިދުމަތްތައް "ޓްރޭޑިއަން" ޕްލެޓްފޯމް މެދުވެރިކޮށް ދޭން ފަށަނީ
18 Nov 2026 ވިޔަފާރި

އޭވިއޭޝަން ދާއިރާއާ ގުޅޭ ބައެއް ހިދުމަތްތައް "ޓްރޭޑިއަން" ޕްލެޓްފޯމް މެދުވެރިކޮށް ދޭން ފަށަނީ

ޓްރޭޑިއަން އަކީ، ދިވެހިރާއްޖޭގެ ބޯޑަރުގައި ފޯރުކޮށްދޭ އިމްޕޯޓާއި އެކްސްޕޯޓުގެ ހިދުމަތްތައް އަވަސްކުރުމަށް ގާއިމްކޮށްފައިވާ ގައުމީ ސިންގަލް ވިންޑޯ ޕްލެޓްފޯމެކެވެ. އެގޮތުން، އަންނަ އާދިއްތަ ދުވަހުން ފެށިގެން ޓްރޭޑިއަން ޕްލެޓްފޯމް މެދުވެރިކޮށް މި ހިދުމަތްތައް ލިބޭނެ ކަމަށް އިކޮނޮމިކް މިނިސްޓްރީއިން މައުލޫމާތުދެއެވެ.

މިނިވަން ވިޔަފާރީގެ އެއްބަސްވުމުގެ ދަށުން ރާއްޖެއިން ޗައިނާއަށް 7،800 އަށްވުރެ ގިނަ މުދާ އެކްސްޕޯޓްކޮށްފި
18 Nov 2026 ވިޔަފާރި

މިނިވަން ވިޔަފާރީގެ އެއްބަސްވުމުގެ ދަށުން ރާއްޖެއިން ޗައިނާއަށް 7،800 އަށްވުރެ ގިނަ މުދާ އެކްސްޕޯޓްކޮށްފި

މިކަން އެނގިފައިވަނީ، އިކޮނޮމިކް މިނިސްޓްރީއިން އިއްޔެ ނެރުނު ތަފާސްހިސާބުތަކުންނެވެ.

މިއައީ ހަމައެކަނި ކުޑަ ޓާމިނަލަކާއި ރިސޯޓެއް އަޅާފައި ނިންމާލާކަށް ނޫން؛ އެކުގައި ކުރިއަރައިދާން: ސާހް ގްރޫޕް
17 Nov 2026 ހަބަރު

މިއައީ ހަމައެކަނި ކުޑަ ޓާމިނަލަކާއި ރިސޯޓެއް އަޅާފައި ނިންމާލާކަށް ނޫން؛ އެކުގައި ކުރިއަރައިދާން: ސާހް ގްރޫޕް

ޔުނައިޓެޑް އަރަބް އެމިރޭޓްސް (ޔޫއޭއީ) ގެ ސާހް ގްރޫޕުން ރާއްޖޭގައި ކުރިއަށްގެންދާ މަޝްރޫޢުތަކަކީ ހަމައެކަނި ކުޑަ ޓާމިނަލަކާއި ރިސޯޓެއް އެޅުމަށްވުރެ މާ ފުޅާ، ދިގުމުއްދަތުގެ އިޤްތިޞާދީ ކުރިއެރުމަށް އަމާޒުކޮށްގެން ހިންގާ މަޝްރޫޢުތަކެއް ކަމަށް އެ ކުންފުނިން ބުނެފިއެވެ.

އިހަވަންދިއްޕޮޅުގައި މޯލްޑިވްސް އިކޮނޮމިކް ގޭޓްވޭ މަސައްކަތް ފެށުމުގެ އެއްބަސްވުމުގައި ސޮއިކޮށްފި
16 Nov 2026 ހަބަރު

އިހަވަންދިއްޕޮޅުގައި މޯލްޑިވްސް އިކޮނޮމިކް ގޭޓްވޭ މަސައްކަތް ފެށުމުގެ އެއްބަސްވުމުގައި ސޮއިކޮށްފި

މި މަޝްރޫޢުގެ ސަބަބުން ރާއްޖޭގެ އިޤްތިޞާދީ ދާއިރާއަށް ބޮޑެތި ބަދަލުތަކެއް އަންނާނެ ކަމަށް ބެލެވޭއިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އިޤްތިޞާދު ސިންދަފާތުކޮށް، ފަތުރުވެރިކަމުގެ އިތުރުން އެހެނިހެން ދާއިރާތަކުން ޤައުމަށް އާމްދަނީ އިތުރުކުރުމަށް ގެންގުޅުއްވާ ސިޔާސަތުގެ ދަށުން މިއީ އެޅިގެންދިޔަ ވަރަށް މުހިއްމު ފިޔަވަޅެއްކަމަށް އިކޮނޮމިކް މިނިސްޓްރީން ވަނީ ބުނެފައެވެ.

ސެޕްޓެމްބަރު މަހު ރާއްޖޭގެ އިޤްތިޞާދަށް 4 އިންސައްތައިގެ ކުރިއެރުމެއް
16 Nov 2026 ހަބަރު

ސެޕްޓެމްބަރު މަހު ރާއްޖޭގެ އިޤްތިޞާދަށް 4 އިންސައްތައިގެ ކުރިއެރުމެއް

ވޭތުވެދިޔަ ތިން އަހަރުގެ ތަފާސްހިސާބުތަކަށް ބަލާއިރު، މިއަހަރުގެ ސެޕްޓެމްބަރު މަހަކީ އެންމެ ބޮޑު އިޤްތިޞާދީ ކުރިއެރުމެއް ރެކޯޑުކުރެވުނު މަސްކަން މާލީ ވުޒާރާގެ ރިޕޯޓުން ހާމަވެއެވެ