މިއަހަރުގެ ލިވިން އެކްސްޕޯގެ ޓައިޓަލް ސްޕޮންސަރަކަށް އަރބަންކޯ ހަމަޖައްސައިފި
މިއަހަރުގެ މޯލްޑިވްސް ލިވިން އެކްސްޕޯގެ ޓައިޓަލް ސްޕޮންސަރަކަށް އަރބަންކޯ ހަމަޖައްސައިފިއެވެ.
މިކަމާއި ގުޅޭ އެއްބަސްވުމުގައި އެކްސްޕޯ އިންތިޒާމް ކުރާ ހައިރައިޒް އާއި އަރބަންކޯ އާއި ދެމެދު މިހާރު ވަނީ ސޮއިކުރެވިފައެވެ.
މިފަހަރުގެ ލިވިން އެކްސްޕޯ އޮންނާނީ އަންނަ އޯގަސްޓް މަހުގެ 10 ވަނަ ދުވަހުން ފެށިގެން 12 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައެވެ.
އަރބަންކޯ އިން ބުނެފައިވަނީ އެ ކުންފުނީގެ ސްކޯޕް ބޮޑުކޮށް، އާބަން ސިޓީ ޑެވެލޮޕްމަންޓަށް ފޯކަސް ކުރަމުން އަންނަ އިރު، މި އެކްސްޕޯއަކީ އެކަމަށް އަލިމަގެއް ދައްކުވައިދޭ ފަދަ އެކްސްޕޯއެއް ކަމަށެވެ.
އެހެންކަމުން މި އެކްސްޕޯގެ ޓައިޓަލް ސްޕޮންސަރަކަށް ވުމަކީ އެ ކުންފުންޏަށް ލިބޭ ވަރަށް ބޮޑު އުފަލެއް ކަމަށް އާބަންކޯ އިން ބުނެއެވެ.
ހައިރައިޒް އިންޓަނޭޝަނަލް އިން 2013 ވަނަ އަހަރު ފެށި މޯލްޑިވްސް ލިވިން އެކްސްޕޯއަކީ ބޯހިޔާވަހި ކަމާއި، ދިރިއުޅުމުގެ ވައްޓަފާޅި ދައްކުވައިދޭ ގޮތަށް ރާއްޖޭގައި ބާއްވަ މިފަދަ ހަމައެކަނި ހަރަކާތެވެ.
މި އަހަރުގެ ލިވިންގ އެކްސްޕޯގައި ވެސް ކުރީގެ އެކްސްޕޯތަކެކޭ އެއްފަދައިން ބޯހިޔާވަހިކަން ހޯދުމަށް ރާއްޖޭގައި ހުރި ހަރުދަނާ ފުރުސަތުތައް އާންމުންނާ ހަމައަށް ގެނެސްދިނުމަށްޓަކައި އިންވެސްޓަރުންނާއެކު އިންޓަރެކްޓިވް ނެޓްވޯކިން ޕްލެޓްފޯމެއް ގާއިމް ކުރުމަށް ވަނީ ހަމަޖެހިފައެވެ.
މިއީ މޯލްޑިވްސް ލިވިން އެކްްސްޕޯ ބާއްވާ 11 ވަނަ ފަހަރެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
