ރަމަޟާން މަހާ ދިމާކޮށް ހުޅުމާލެ ހިމެނޭހެން 14 މިސްކިތެއް ހުޅުވަނީ
ކުރިއަށް އޮތް ރަމަޟާން މަހަށް ތައްޔާރުވުމުގެ ގޮތުން ރާއްޖޭގެ އެކި ސަރަޙައްދުތަކުގައި 14 މިސްކިތެއް ހުޅުވާނެކަން އިސްލާމީ ކަންތައްތަކާ ބެހޭ މިނިސްޓަރު މުޙައްމަދު ޝަހީމް ޢަލީ ސަޢީދު ހާމަކުރައްވައިފިއެވެ.
މީޑިއާތަކާ ހިއްސާކުރެއްވި މެސެޖެއްގައި މިނިސްޓަރު ޝަހީމް ވިދާޅުވީ، ހުޅުވާ މިސްކިތްތަކުގެ ތެރޭގައި ހުޅުމާލޭގައި އަލަށް ބިނާކުރެވޭ ތިން ދާއިމީ މިސްކިތް ހިމެނޭ ކަމަށެވެ. އެ މެސެޖުގައި މިނިސްޓަރު ވަނީ މިސްކިތްތައް ބިނާކުރުމުގެ މަސައްކަތް ކުރިއަށްދާ ގޮތުގެ އެންމެ ފަހުގެ މަޢުލޫމާތު ހިއްސާކުރައްވައިފައެވެ.
ރާއްޖޭގެ އެކި ކަންކޮޅުތަކުގައި މިހާރު ވެސް ގިނަ ޢަދަދެއްގެ މިސްކިތްތަކެއް ޢިމާރާތްކުރުމުގެ މަސައްކަތް ހިނގަމުންދާއިރު، ބައެއް މިސްކިތްތަކުގެ ޢަމަލީ މަސައްކަތް މިހާރު ނިމިފައިވެއެވެ. އޭގެ އިތުރުން މި އަހަރުގެ ތެރޭގައި އިތުރު މިސްކިތްތަކެއް ބިނާކުރުމުގެ މަސައްކަތް ވެސް ވަނީ ހަވާލުކޮށްފައެވެ.
ހުޅުމާލޭގައި އިމާރާތް ކުރެވެމުންދާ ދާއިމީ މިސްކިތްތައް މި އަހަރު ނިމުމުގެ ކުރިން ހުޅުވުމަށް އިސްލާމިކް މިނިސްޓްރީން ވަނީ އަމާޒު ހިފާފައެވެ. އެގޮތުން މިއަހަރުގެ ނިޔަލަށް ހުޅުމާލެގައި ހަދާފައިވާ ވަގުތީ މިސްކިތްތައް އުވާލާނޭކަމަށް މިނިސްޓަރު މީގެ ކުރިން ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް (1)
މިސްިކިތް ހުޅުވާ. ނުއެއް ބަލަހައްޓާ. ނިކަން ބައްލަވަ. މި ފުރަ މާލޭގައި އެހެރަ ސަލްމާން މިސްކިތް. ވީރާނާ ވަމުން ވަމުން ގޮސް ލަދު ގަންނަވަރުވޭ. އެކަމަކު އަޅާލާނެ މީހަކު ނެތް. ހަމަ މިސްކިތް ހުޅުވުމުގައި.
