ޕީއެސްޖީއަތުން މެންޗެސްޓަރ ސިޓީ ބަލިވެއްޖެ

ޔުއެފާ ޗެމްޕިއަންސްލީގްގައި ރޭ އިނގިރޭސިވިލާތުގެ މެންޗެސްޓަރ ސިޓީ އާއި ފްރާންސްގެ ޕީއެސްޖީ ބައްދަލުކުރިމެޗް ޕީއެސްޖީ ކާމިޔާބުކޮށްފިއެވެ.

މެންޗެސްޓަރ ސިޓީގެ އިއްތިހާދު ސްޓޭޑިއަމްގައި ކުޅުނު މިމެޗް ޕީއެސްޖީ ކާމިޔާބުކުރީ 4-2 ގެ ނަތީޖާއިންނެވެ. މިމެޗްގައި ޕީއެސްޖީގެ ފަރާތުން މޮޅު ކުޅުމެއް ފެނިގެން ގޮސްފައިވާއިރު އެޓީމުން ވަނީ ފުރަތަމަ ހާފްގައި ތިން ލަނޑު ޖަހާފައެވެ. ލުއިސް އެންރީކޭގެ އިރުޝާދުގެ ދަށުން ކުޅެމުންދިޔަ މި މެޗްގައި ޕީއެސްޖީއަށް ގޯލް ހުޅުވާލަދިނީ 13 ވަނަ މިނެޓް ތެރޭގައި ޑެސިރޭ ދޫއޭ އެވެ. މެޗްގައި ދެން ޕީއެސްޖީއަށް ލަނޑުތައް ޖަހައިދިނީ އޮސްމާނޭ ޑެމްބޭލޭ އަދި ވިޓީނިއާ އެވެ.

ދެވަނަ ހާފުގައި ސިޓީން ވަނީ ކުޅުން ރަނގަޅުކޮށްފައެވެ. ނަތީޖާއަކަށް ވެގެން ދިޔައީ 53 ވަނަ މިނެޓް ތެރޭގައި އާލިން ހާލަންޑް ލަނޑެއް ކާމިޔާބު ކުރުމެވެ. ސިޓީން މެޗުގެ ތެރެއަށް އެނބުރި އަންނަން މަސައްކަތް ކުރަމުންދަނިކޮށް، މަގްނޭސް އަކްލިއޫޝް ވަނީ ޕީ.އެސް.ޖީގެ ހަތަރުވަނަ ލަނޑު ޖަހައި ސިޓީ ނުތަނަވަސްކަމުގެ ތެރެއަށް ވައްޓާލާފައެވެ. މެޗްގައި ސިޓީންޖެހި ދެވަނަ ލަނޑުވެސް ޖަހައިދިނީ ހާލާންޑެވެ. މެޗްގައި ޕީއެސްޖީއަށް ޕެނަލްޓީއެއް ލިބުނު ނަމަވެސް ޓޯރޭޒް ޖެހި ޕެނަލްޓީވަނީ ކީޕަރު ދިފާއުކޮށްފައެވެ.

މި މެޗު ބަލަން ސިޓީގެ ކުރީގެ ކޯޗް ގާޑިއޯލާގެ ސްޓޭޑިއަމްގައި އިންއިރު އި ސިޓީގެ ޗެއާމަން ޚަލްދޫން އަލް މުބާރަކާއި ޗީފް އެގްޒެކެޓިވް ފެރާން ސޮރިއާނޯ ބައިވެރިވެވަޑައިގެންނެވިއެވެ.