ޝަރުއީ ދާއިރާގެ މުވައްޒަފުންނަށްވެސް ސިޔާސީ ހަރަކާތުގައި ބައިވެރި ވެވޭގޮތަށް އުސޫލު ބަދަލުކޮށްފި

ޝަރުއީ ދާއިރާގެ މުވައްޒަފުންނަށްވެސް ސިޔާސީ ހަރަކާތުގައި ބައިވެރި ވެވޭގޮތަށް އުސޫލު ބަދަލުކޮށްފިއެވެ.

ޝަރުއީ ދާއިރާގެ މުވައްޒަފުންގެ 'ކޯޑް އޮފް ކޮންޑަކްޓް' އިސްލާހުކޮށް އާއްމުކުރި އިރު، އެ ދާއިރާގެ މުވައްޒަފުން ސިޔާސީ ހަރަކާތުގައި ބައިވެރިވުން މަނާކުރާ ބާބު ވަނީ އުނިކޮށްފައެވެ.

އެ ބާބު އުނިކޮށް، ޝައުރީ ދާއިރާގެ މުވައްޒަފުން ސިޔާސީ ހަރަކާތުގައި ބައިވެރިވުމާ ގުޅޭ އުސޫލު ހިމަނާފައި ވަނީ 'ޝަރުއީ ދާއިރާގެ މިނިވަންކަން ހިފެހެއްޓުމާއި އިތުބާރު ދެމެހެއްޓުން' މާއްދާގައެވެ.

އެހެންކަމުން މިހާރު ޝަރުއީ ދާއިރާގެ މުވައްޒަފުންނަށްވެސް ސިޔާސީ ޕާޓީތަކުގެ ހަރަކާތްތަކުގައި ބައިވެރިވެ، ސިޔާސީ ހަރަކާތްތައް ހިންގާ ޖަމިއްޔާ ޖަމާއަތްތަކުގެ މެމްބަރުކަން ކުރެވޭނެއެވެ.

އާ އިސްލާހާއެކު، ޝަރުއީ ދާއިރާގެ މުވައްޒަފުންގެ ގަވާއިދުގައި ބާބު ނަންބަރު 2، 22، 27 އަދި 27 ވަނީ އުވާލާފައެވެ. އަދި އެހެން ބާބުތަކުގައި އެބައިތައް ހިމެނޭގޮތަށް ވަނީ އިސްލާހު ގެނެސްފައެވެ.

ޝަރުއީ ދާއިރާގެ މުވައްޒަފުންގެ ގަވާއިދު ކުރިން އޮންނަ ގޮތުން، އެ ދާއިރާގެ މުވައްޒަފުންނަށް އެއްވެސް ގޮތަކުން ސިޔާސީ ހަރަކާތެއްގައި ބައިވެރިއެއް ނުވެވޭނެއެވެ. އަދި އެއްވެސް ޕާޓީއެއްގެ މަގާމެއްގައި ނުހުރެވޭނެއެވެ.