ބޮޑެތި އާބާދީތަކުން ބަލިވީމާ ބުނީ ކުދި ރަށްރަށުގައި ތާއީދު ބޮޑޭ؛ އެކަމަކު ކުދި ރަށްރަށުންވެސް ވީ ބަލި: ވަހީދު

ބޮޑެތި އާބާދީތަކުގައި ބާއްވާ ބައި އިލެކްޝަން ތަކުން ނާކާމިޔާބު ވުމުން އެމްޑީޕީީން ބުނަމުން އައީ ކުދި ރަށްރަށުގައި އެ ޕާޓީއަށް ވަރަށް ތާއީދު ބޮޑުވާނެ ކަމަށާ، އެހެންނަމަވެސް ކުދި އާބާދީ ތަކުން ވެސް އެ ޕަޓީއަށް ތާއީދެއް ނުލިބޭ ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) ވިދާޅުވެއްޖެއެވެ.

އިއްޔެ ބޭއްވި ބައި-އިލެކްޝަން ތަކުގައި، ޕީޕީއެމަށް 5 ގޮނޑި ލިބިފައިވާއިރު އެންޑީޕީއަށް ލިބިފައިވަނީ އެންމެ ދެ ގޮނޑިއެވެ.

އެކަމާއި ގުޅިގެން ވައްޑެ ކުރެއްވި ޓުވީޓެއްގައި ވަނީ އަންނަ ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ބޮޑުތަނުން ބަލިވާނެ ކަމަށް ވިދާޅުވެފައެވެ.

އިއްޔެގެ ބައި އިލެކްޝަންގެ ވޯޓު ލާފައި ވަނީ ލ. މާމެންދޫ، އއ. ފެރިދޫ، ހދ. ފިނޭ، މ. ވޭވަށް، ރ. އަނގޮޅިތީމު، ކ. ދިއްފުށި، ތ. ގާދިއްފުށި، ގދ. ހޯޑެއްދޫ އަންހެނުންގެ ތަރައްގީއަސް މަސައްކަތް ކުރާ ކޮމިޓީގެ މެމްބަރުން ހޮވުމަށެވެ.

އޭގެ ތެރެއިން މާމެންދޫ، ފިނޭ، ވޭވަށް، ދިއްފުށި އަދި ހޯޑެއްދޫގެ ގޮނޑި ކާމިޔާބު ކޮށްފައި ވަނީ ޕީޕީއެމްގެ ފަރާތުން ކުރިމަތިލި ކެނޑިޑޭޓުންނެވެ.

ބައި އިލެކްޝަންތަކުގެ ނަތީޖާ:–

އއ. ފެރިދޫ

1. ސާނާ އަހުމަދު / އެމްޑީޕީ – 244

2. ވަސީމާ މުޙައްމަދު / ޕީޕީއެމް – 205

ހދ. ފިނޭ

1. މުއުމިނާ އިބްރާހިމް / އެމްޑީޕީ – 133

2.. ޒުހުދާ މުހައްމަދު / ޕީޕީއެމް – 147

ރ. އަނގޮޅިތީމު

1. ޚަދީޖާ ހުސެއިން މަނިކު / ޕީޕީއެމް – 82

2. ޢާސިމާ ރަޝީދު / އަމިއްލަގޮތުން – 95

ކ. ދިއްފުށި

1. ޢައިޝަތު ސާހިރާ / ޕީޕީއެމް – 181

2. ފާތިމަތު ޢަރުޝީ / އަމިއްލަގޮތުން – 174

މ. ވޭވަށް

1. ދުންޔާ ޚާލިދު / އެމްޑީޕީ – 101

2. ޝިފާޒާ އިބްރާހިމް / ޕީޕީއެމް – 113

ތ. ގާދިއްފުށި

1. މަރިޔަމް ޙަސަން / އެމްޑީޕީ – 234

2. ނިހާމާ ޢަބްދުﷲ / ޕީޕީއެމް – 158

ލ. މާމެންދޫ

1. ސަޢުދިއްޔާ ޙުސެއިން / ޕީޕީއެމް – 224

2. ނާޒިމާ ޢަބްދުއްސަމަދު / އެމްޑީޕީ – 202

ގދ. ހޯނޑެއްދޫ

1. ނަޒުރާނާ ހުސެއިން މަނިކު / ޕީޕީއެމް – 204

2. ލިޒުނާ ނަސީރު / އެމްޑީޕީ – 86

3. މައިމޫނަތު ޝަރީފް / އަމިއްލަގޮތުން – 76