އޮންއެރައިވަލް ވިސާގައި ދިވެހިންނަށް މިސްްރަށް ދަތުރު ކުރެވޭނެހެން ހަމަޖައްސައިފި
މި މަހު 14 އިން ފެށިގެން މިސްރަށް ދަތުރުކުރާ ދިވެހިންނަށް "ވިސާ އޮން އެރައިވަލް" ލިބޭ ގޮތަށް ހަމަ ޖައްސައިފިއެވެ.
އެގޮތުން މިކަމާއި ގުޅިގެން މިނިސްޓަރ އޮފް ފޮރިން އެފެއާޒް އަބްދުالله ޝާހިދު ކުރެއްވި ޓްވީޓެއްގައި ވަނީ މިޞްރަށް "ވިސާ އޮން އެރައިވަލް" ލިބޭ ޤައުމުތަކުގެ ލިސްޓުގައި އަލުން ދިވެހިރާއްޖެ ހިމަނުއްވައިދެއްވި ކަމަށްޓަކައި އެގައުމުގެ ފޮރިން މިނިސްޓަރ ސަމެހް ޝުކްރީއަށް ޝުކުރު ދަންނަވާ ފައެވެ.
މިއާއިއެކު މިނިންމުމަކީ ދިވެހިރާއްޖެއާއި މިޞްރާ ދެމެދު އޮތް ޚާއްޞަ ގުޅުން ރަމްޒުކޮށްދޭ އަލިގަދަ ހެއްކެއް ކަމަށް މިނިސްޓަރ ޝާހިދު ޓްވީޓުގައި ވިދާޅުވިއެވެ.
"ވިސާ އޮން އެރައިވަލް" ލިސްޓުގައި ދިވެހިރާއްޖެ ހިމެނުމާއިއެކު ވިސާ ހޯދުމަކާއި ނުލާ އެގައުމަށް 30 ދުވަހުގެ މުއްދަތަކަށް ދިވެހިންނަށް ދަތުރު ކުރެވޭނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
