މަސައްކަތް ކުރާނީ ރައްޔިތުންގެ އުންމީދުތައް ހާސިލް ކޮށްދިނުމަށް: ޑރ.ރަމީލާ
ޤާބިލުކަން ހުރި މިންވަރަކުން މަސައްކަތް ކުރާނީ ރައްޔިތުންގެ އުންމީދުތައް ހާސިލްކޮށްދެއްވުމަށް ކަމަށް އައު ސަރުކާރު ގެ މިނިސްޓަރ އޮފް އެގްރިކަލްޗާ އެންޑް އެނިމަލް ވެލްފެއާ ޑރ. އައިޝަތު ރަމީލާ ވިދާޅުވެއްޖެއެވެ.
ޑރ.ރަމީލާ މިފަދައިން ވިދާޅުވީ އެކަމަނަާއަށް މިފުރުސަތު ދެއްވި ކަމަށް ޓަކައި ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް ޝުކުރު އަދާ ކުރައްވާ ކުރެއްވި ޓްވީޓެއްގައެވެ.
"އަޅުގަނޑު މަސައްކަތް ކުރާނީ އަޅުގަނޑުގެ ޤާބިލުކަން ހުރި މިންވަރަކުން އަޅުގަނޑުމެންގެ ރައްޔިތުންގެ އުންމީދުގެ ގޮތުގައި ހުރި ކަންކަން ފޯރުކޮށްދިނުމަށް"
މިނިސްޓަރ ކުރެއްވި ޓްވީޓްގައި ވެއެވެ.
ޑރ.އައިޝަތު ރަމީލާ އަކީ މީގެ ކުރީގައިވެސް ސަރުކާރުގެ އިސް މަޤާމުތައް ފުރުއްވައިފައިވާ ފަރާތެކެވެ.
އެގޮތުން އެކަމަނާ ވަނީ މީގެ ކުރީގެ ސަރުކާރު ތަކުގައި ހެލްތު މިނިސްޓްރީގެ ސްޓޭޓް މިނިސްޓަރ ކަމާއި ޖެންޑާ މިނިސްޓްރީގެ ސްޓޭޓް މިނިސްޓަރ ކަމުގެ މަގާމްވެސް ފުރުއްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
