ރައީސް ޑރ.މުއިއްޒުގެ ކެބިނެޓްގެ ބޭފުޅުންނަށް ޤާސިމް މަރުހަބާ ދަންނަވައިފި
ރައީސް ޑރ.މުއިއްޒުގެ ކެބިނެޓަށް އައްޔަން ކުރެއްވި ބޭފުޅުންނަށް ޖުމްހޫރީ ޕާރޓީގެ ލީޑަރު ޤާސިމް އިބްރާހިމް މަރުހަބާ ދަންނަވައިފިއެވެ.
މިއަދު ޓްވިޓާގައި ކުރެއްވި ޕޯސްޓެއްގައި ޤާސިމް ވިދާޅުވީ ކުރިއަށް އޮތް ފަސް އަހަރު ދިވެހި ޤައުމު އެކި ރޮނގުރޮނގުން ތަރައްޤީކޮށް، ޤައުމާއި ރައްޔިތުން ބޭނުންވާ އެންމެހާ ޚިދުމަތްތައް ވިލަރެސް ކުރުމުގެ އެންމެ އިސްވެރީން ކަމުގައި، ރައީސް ޑރ. މުޙައްމަދު މުޢިއްޒު އެކުލަވާލެއްވި އެމަނިކުފާނު ކެބިނެޓުގައި ހިމެނިވަޑައިގަންނަވާ އެންމެހާ ބޭފުޅުންނަށާއި، ރައީސުލް ޖުމްހޫރިއްޔާ ގެ އެޑްވައިޒަރުންނަށާއި، ރައީސުލް ޖުމްހޫރިއްޔާގެ އޮފީހުގެ މިނިސްޓަރުންނަށާއި، އެނޫންވެސް އެކި މުހިންމު މަސްއޫލިއްޔަތުތައް ހަވާލު ކުރެއްވި އެންމެހާ ބޭފުޅުންނަށް މަރުހަބާ އާއި ތަހްނިޔާ ދަންނަވާކަމަށެވެ.
މީގެ އިތުރުންވެސް ޓްވީޓްގައި ވަނީ އެންމެހާ ބޭފުޅުންގެ މަސައްކަތްޕުޅުތަކުގައި، ކީރިތި الله ތަޢާލާ ބަރަކާތްލައްވާ ދިވެހި ޤައުމަށް އަދަށް ވުރެ ފެހި މާދަމާއެއް މިންވަރު ކުރައްވުމަށް ދުޢާ ކުރއްވާފައެވެ.
އާ ރައީސް ޑރ.މުއިއްޒުގެ ކެބިނެޓްގައި 21 މިނިސްޓަރުން ހިމެނި ވަޑައިގަންނަވައެވެ. އެތަުން 3 މިނިސްޓަރުންނަކީ އަންހެނުންނެވެ. ކެބިނެޓްގެ އަދަދު ގިނަވި ނަމަވެސް ޚަރަދުތައް ކުޑަވާނެ ކަމުގެ ޔަގީންކަން އެމަނިކުފާނު ދެއްވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
