ހެޓްރިކް ހެދި ދެމްބެލޭ.. ފޮޓޯ: ސްކައި ސްޕޯޓްސް
ހެޓްރިކް ހެދި ދެމްބެލޭ.. ފޮޓޯ: ސްކައި ސްޕޯޓްސް
ކުޅިވަރު 27 Jun 2026 | 07:38

ޑެމްބެލޭގެ ހެޓްރިކާއެކު ގްރޫޕްގެ އެއްވަނަ ޓީމްގެ ގޮތުގައި ފްރާންސް އަނެއްބުރަށް

އުސްމާން ޑެމްބެލޭގެ ހެޓްރިކާއެކު ނޯވޭ ބަލިކޮށް ގްރޫޕް އައިގެ އެއްވަނަ ޓީމްގެ ގޮތުގައި ފްރާންސް ނޮކްއައުޓް ބުރަށް ދަތުރުކޮށްފިއވެެ.

ނޯވޭއާ ދެކޮޅަށް ކުޅުނު މިމެޗް ފްރާންސް ކާމިޔާބުކުރީ 4-1 ނަތީޖާއިންނެވެ. މިމެޗްގައި އެންމެ ފާހަގަވެގެން ދިޔައީ ފްރާންސްގެ ޑެމްބެލޭއެވެ. މިމެޗްގައި އޭނާ ވަނީ ވަރލްޑްކަޕްގައި މިހާތަނަށް އެންމެ އަވަހަށް ހެދި ހެޓްރިކްގެ ރެކޯޑް ގާއިމްކޮށްފައެވެ.

މެޗްގައި ޑެމްބެލޭގެ ފުރަތަމަ ގޯލް ފެނިގެން ގޮސްފައިވަނީ ހަތްވަނަ މިނެޓް ތެރޭގައެވެ. ދެވަނަ ގޯލް 20 ވަނަ މިނެޓް ތެރޭގައި ޖެހިއިރު ތިންވަނަ ގޯލް ޖަހާފައިވަނީ، 32 ވަނަ މިނެޓް ތެރޭގައެވެ. މެޗްގައި ފްރާންސްގެ ފަހު ގޯލް ޖަހައިދިނީ ޑިޒިރޭ ޑޫއޭ އެވެ. އާސްގާޑް ނޯވޭއަށް ސުންކަނޑުވާލަދިންއިރު، މެޗްގައި ނޯވޭއަށް ޕެނަލްޓީއެއްވެސް ލިބުނެވެ. ނަމަވެސް ސްޓްރޭންޑް ލާސަން ފޮނުވާލި ޕެނަލްޓީ ވަނީ ފްރާންސްގެ ކީޕަރު މައިނާން ދިފާއުކޮށްފައެވެ.

ނޮކްއައުޓްބުރުގެ ޖާގައެއް ކަށަވަރުވެފައި އޮތުމުން މިމެޗަށް ނޯވޭ ނިކުތީ އެޓީމުގެ މުހިންމު ކުޅުންތެރިން ނުހިމަނައެވެ. މީގެ ތެރޭގައި ހާލާންޑް އަދި އޮޑެގާޑް ހިމެނެއެވެ. މި ބަދަލު ނޯވޭގެ ޓީމުން ވަރަށް ބޮޑަށް ފެނިގެންދިޔައެވެ.

މި ގްރޫޕްގައި  އިރާގާއި ސެނެގާލް ބައްދަލުކުރިމެޗް 5-0 ގެ ނަތީޖާއިން ސެނެގާލް ކާމިޔާބުކޮށް އެޓީމް ވަނީ ކުރިއަށް އޮތް ބުރުގެ ޖާގައެއް ހޯދުމުގެ އުއްމީދު އާކޮށްފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.