މެސީ ޖެހި ޕެނަލްޓީ މިސްރުގެ ކީޕަރު ދިފާއުކުރަނީ... ފޮޓޯ؛ ސްކައި ސްޕޯޓްސް
މެސީ ޖެހި ޕެނަލްޓީ މިސްރުގެ ކީޕަރު ދިފާއުކުރަނީ... ފޮޓޯ؛ ސްކައި ސްޕޯޓްސް
ކުޅިވަރު 08 Jul 2026 | 07:10

އުނދަގޫ މެޗަކަށްފަހު އާޖެންޓީނާ ކުއާޓާ ފައިނަލަށް

ފަހަތުން އަރައި މިސްރު ބަލިކޮށް އެންމެފަހުގެ ވަރލްޑްކަޕް ޗެމްޕިއަން އާޖެންޓީނާ މުބާރާތުގެ ކުއާޓާ ފައިނަލުގެ ޖާގައެއް ހޯދައިފިއެވެ.

ރޭ ކުޅުނު މިމެޗްގެ އޮއިވަރު ދިޔައީ ކުރިން ހީކުރިވަރަށްވުރެ މާބޮޑަށްވެސް ތަފާތުކޮށެވެ. އެގޮތުން މެޗްގައި އާޖެންޓީނާ ގޯލެއް ކާމިޔާބުކުރުމާ ހަމަޔަށް މިސްރުންދިޔައީ ވަރަށް ރަނގަޅަށް ޑިފެންސްކޮށް ލިބޭ ބޯޅަތަކުގައި އާޖެންޓީނާގެ ޑިފެންސްލައިނަށް ބާރުބޮޑުކުރަމުންނެވެ.

މެޗުން އާޖެންޓީނާ މޮޅުވީ މިސްރުން ދެ ލަނޑު ޖަހައި މޮޅުވާންދަނިކޮށެވެ. މިމެޗްގައި މިސްރުގެ ފުރަތަމަ ލަނޑު ފެނިގެންގޮސްފައިވަނީ 15 ވަނަ މިނެޓް ތެރޭގައެވެ. މިލަނޑު ކާމިޔާބުކޮށްދިނީ، ޔާސިރު އިބްރާހީމެވެ. މިސްރުން ލީޑް ނަގާފައިވަނިކޮށް އާޖެންޓީނާއަށް ޕެނަލްޓީއެއްވެސް ލިބުނެވެ. ނަމަވެސް ލިއޮނެލް މެސީ ފޮނުވާލި މި ޕެނަލްޓީ މިސްރުގެ ކީޕަރު ވަނީ ވަރަށް ހުށިޔާރުކަމާއެކު ދިފާއުކޮށްފައެވެ. މިމެޗްގެ ފުރަތަމަ ހާފް ނިމުނީ 1-0 ގެ ނަތީޖާއިން މިސްރު ކުރީގައި އޮވެގެންނެވެ.

ދެވަނަ ހާފް ފަށައި މާގިނައިރުތަކެއް 58 ވަނަ މިނެޓް ތެރޭގައި މިސްރުގެ އަބްދުލްރައޫފް ލަނޑެއް ޖެހިނަމަވެސް ފަހުން ވީއާރު ބެލުމަށްފަހު ރެފްރީ ނިންމީ އެއީ ލަނޑެއް ނޫންކަމަށެވެ. އޭގެ 9 މިނެޓްފަހުން އަބްދުލްރައޫފް ވަނީ މިސްރުގެ ދެވަނަ ލަނޑު  ޖަހައި އާޖެންޓީނާ ހާސްކަމުގެ ތެރެއަށް ވައްޓާލާފައެވެ.

ނަމަވެސް އާޖެންޓީނާގެ ޓީމަށް ބަދަލުތަކެއް ގެނައުމުގެ ނަތީޖާއަކަށްވެގެން ދިޔައީ ޓީމްގެ ކުޅުން ރަނގަޅުވެ މެސީ ތަނަވަސްކޮށްދިން ފުރުސަތެއްގައި 79 ވަނަ މިނެޓް ތެރޭގައި ރޮމޭރޯ ގޯލެއް ޖެހުމެވެ. އަދި އޭގެ ދެ މިނެޓްފަހުން މެސީ ވަނީ އިތުރު ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. މެޗުން އާޖެންޓީނާ މޮޅުކޮށްދިން ލަނޑު ޖަހައިދިނީ އިތުރުވަގުތުގެ ކުޅުމުގެ ތެރޭގައި އެންޒޯ ފެނާންޑެޒް އެވެ.

މިމެޗްގައި ރެފްރީންގެ ނިންމުންތަކާމެދު ހިތްހަމަނުޖެހިގެން މިސްރުން ވަނީ އެކަމުގެ ޝަކުވާކޮށްފައެވެ. މުބާރާތުގެ ކުއާޓާ ފައިނަލުގައި އާޖެންޓީނާ ނިކުންނާނީ ސްވިޒަރލެންޑާ ދެކޮޅަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟
19 Nov 2026 ކުޅިވަރު

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟

އާޖެންޓީނާގެ އެސިސްޓަންޓް ކޯޗު ވޯލްޓާ ސެމިއުލް، އަމިއްލަ ކޯޗިން ކެރިއަރެއް ފެށުމަށްޓަކައި މަގާމުން ވަކިވާން ނިންމުމާއެކު، އެ މަގާމަށް މެސީ އަތުވެދާނެތޯ ގިނަ ބަޔަކު ސުވާލު އުފެއްދިއެވެ. މިކަމާ ގުޅޭގޮތުން ނޫސްވެރިއަކު ކުރި ސުވާލަކަށް ޖަވާބު ދެމުން ސްކަލޯނީ ސަމާސާ ގޮތަކަށް ބުނީ، މެސީ ބޭނުންނަމަ އެ ފުރުސަތު އޭނާއަށް އަބަދުވެސް އޮންނާނެ ކަމަށެވެ