ރާބަދި ޗެލެންޖް 2023 މީޑިއާ ޕާޓްނަރަކަށް ވޮއިސް އެމްވީ!
މީދޫ ޖަމިއްޔަތުލް ސަލާހްގެ ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަރ ރިސޯޓް ފުޓްސަލް ޗެލެންޖުގެ މީޑިއާ ޕާޓްނަރަކީ ވޮއިސް އެމްވީ ހަމަޖައްސައިފިއެވެ.
މިރޭ ބޭއްވި ސޮއި ކުރުމުގެ ރަސްމިއްޔާތުގައި ވޮއިސް އެމްވީ ގެ ފަރާތުން ސޮއިކުރެއްވީ ވޮއިސް އެމްވީގެ ސީއީއޯ މުހައްމަދު ސައިޒަންއެވެ. އަދި އެމްޖޭއެމް ގެ ފަރާތުން ސޮއިކުރެއްވީ އައިމަން އިބްރާހީމް އެވެ.
ރާބަދި ޗެލެންޖް އެންމެ ފުރަތަަމަ ބާއްވާފައިވަނީ 2019 ވަނަ އަހަރު އެވެ. އަދި އެ މުބާރާތުގެ ފައިނަލުގައި މީދުއްޕަރު 4-3 ގެ ނަތީޖާއަކުން ބަލިކޮށް ޗެމްޕިއަންކަން ހޯދީ ދިގަލި މޯލްޑިވްސް އެވެ. އަދި އެކި ސަބަބުތަކާ ހުރެ 2020 އަދި 2021 ވަނަ އަހަރު މުބާރާތް ނުބޭއްވި ދިއުމަށް ފަހު މިދިޔައަހަރު ވަނީ އަލުން ރާބަދި ޗެލެންޖް ބާއްވަން ފައްޓަފައެވެ.
2022 ވަނަ އަހަރުގެ މުބާރާތުގެ ޗެމްޕިއަންކަން ހޯދީ ޖޯލިބީއިން އެވެ. އަދި މިއަހަރުގެ މުބާރާތުގައި 14 ޓީމެއް ބައިވެރިވެފައި ވާއިރު މުބާރާތުގެ ގުރުލުން މާދަމާ ރޭ ބޭއްވުމަށް ވަނީ ހަމަޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
