ކުޑަހުވަދޫ ބުރަދާސް އެކަޑަމީގެ "ބޮޑުޢީދު ފުޓްސަލް ޗެލެންޖް"ގެ މީޑިއާ ޕާޓްނަރަކަށް ވޮއިސް ސްޕޯޓްސް

ކުޑަހުވަދޫ ބުރަދާސް އެކަޑަމީގެ ފަރާތުން ބާއްވަމުން "ކުޑަހުވަދޫ ބޮޑުއީދު ފުޓްސަލް ޗެލެންޖް" ގެ މީޑިއާ ޕާޓްނަރަކަށް ވޮއިސް ހަމަޖައްސައިފިއެވެ.

ބުރަދާސް އެކަޑަމީން ކުޑަހުވަދޫގައި ބާއްވަމުން އަންނަ މި މުބާރާތަކީ ބޮޑުއީދުގައި ފެނިގެންދާ އެންމެ ފޯރިގަދަ މުބާރާތެވެ. މި މުބާރާތުގެ މީޑިއާ ޕާޓްނަރެއްގެ ގޮތުގައި ވޮއިސް ހަމަޖެއްސިއިރު، މިދިޔަ ފަހަރުގެވެސް މީޑިއާ ޕާޓްނަރަކީ ވޮއިސްއެވެ. މިއީ މި މުބާރާތް ބާއްވާ ދެވަނަ އަހަރެވެ.

މުބާރާތާ ބެހޭގޮތުން ބްރަދާސް އެކަޑަމީގެ ޗެއަރޕާސަން އިސްމާއީލް އާދިލް ވިދާޅުވީ، މުބާރާތުގައި މިހާތަނަށް 8 ޓީމަކުން ބައިވެރިވެފައިވާކަމަށެވެ. އަދި މި މުބާރާތް ފެށުމަށް ހަމަޖެހިފައިވަނީ މެއިމަހުގެ 27 ވަނަ ދުވަހުގެ ރޭކަމުގައި އޭނާ ވިދާލުވިއެވެ.

މި މުބާރާތުގެ ވަނަތަކަށް ކަނޑައެޅިފައިވާ ފައިސާގެ އިނާމަށް ބަލާއިރު، ޗެމްޕިއަން ޓީމަށް 30،000 ރުފިޔާ، އަދި ރަނަރަޕް ޓީމަށް 15،000 ރުފިޔާ ދިނުމަށް ވަނީ ހަމަޖެހިފައެވެ.

ބްރަދާސް އެކަޑަމީއަކީ ކުޑަހުވަދޫގައި ކުޅިވަރު ކުރިއެރުވުމަށް މިހާރު ވެސް ގިނަ ހަރަކާތްތަކެއް ހިންގަމުންދާ ވަރަށް ހިންގުންތެރި އެކަޑަމީއެކެވެ. އެގޮތުން މިހާރު ވެސް އެއެކަޑަމީގެ ފަރާތުން އަންނަނީ ކުޑަހުވަދޫގައި ފުޓްބޯޅަ އަދި ފުޓްސަލްގެ އިތުރުން އަންހެން ހޭންޑްބޯޅަ ވައިޑީޕީ ޕްރޮގްރާމް ހިންގަމުންނެވެ.

މީގެ އިތުރުން އެ އެކަޑަމީއަކީ އިޖުތިމާއީގޮތުން ރައްޔިތުންނާއި މުޅި މުޖުތަމައުގެ ލާބައަށް ގިނަ ހިދުމަތްތަކެއް ކުރަމުން އަންނަ ޖަމިއްޔާއެއްކަން ފާހަގަކޮށްލެވެއެވެެ.