ބޭންކް އޮފް މޯލްޑިވްސްގެ އެޕޮއިންޓްމަންޓް ޕޯޓަލް އަށް ހެޔޮ ބަދަލެއް

ބޭންކް އޮފް މޯލްޑިވްސް ގެ އޮންލައިން އެޕޮއިންޓްމަންޓް ޕޯޓަލް އަށް ހެޔޮ ބަދަލުތަކެއް ގެނެސްފިއެވެ.

ބީއެމްއެލް އިން ބުނީ، އެ ބޭންކުގެ ބްރާންޗް އަދި ސަރވިސް ސެންޓަރުން ޚިދުމަތް ހޯދުމަށް ފަސޭހަކަމާއެކު އެޕޮއިންޓްމަންޓް ހޯދުމަށް އިތުރު ފަސޭހަތައް ތައާރަފްކޮށްފައިވާ ކަމަށެވެ.

އެގޮތުން ކަސްޓަމަރުންނަށް މިހާރު ބީއެމްއެލް އަދި ބީއެމްއެލް އިސްލާމިކް ގެ ޚިދުމަތްތައް ހޯދުމަށް އެޕޮއިންޓްމަންޓް ހަމަޖެއްސުމަށް ކުރިޔަށް އޮތް 10 ދުވަހަށް އެޕޮއިންޓްމަންޓް ލިބެންހުރި ތާރީޚާއި ގަޑި ފަސޭހަކާއެކު ޕޯޓަލް މެދުވެރިކޮށް ބަލާލެވޭނެ ކަމަށް ބީއެމްއެލް އިން ބުނެއެވެ.

އަދި ޕަރސަނަލް ކަސްޓަމަރުންނަށް ލޯނަށް އެދި ހުށަހެޅުމަށާއި ބީއެމްއެލް ގެ ޓީމާއި ބައްދަލުކޮށް ލޯނު އަދި ފައިނޭންސިންގ ގެ މައުލޫމާތު ސާފުކުރުމަށް އެޕޮއިންޓްމަންޓް ހަމަޖެއްސޭއިރު، ބިޒްނަސް ކަސްޓަމަރުންނަށް ބޭންކް އެކައުންޓް ހުޅުވުމާއި، ލޯނު އަދި ފައިނޭންސިންގ އަށް އެދި ހުށަހެޅުމާއި ލޯނާއި ފައިނޭންސިންގ އާ ގުޅޭ މައުލޫމާތު ސާފުކުރުމަށް ބީއެމްއެލްގެ ސްޕެޝަލިސްޓް ޓީމާ ބައްދަލުކުރުމަށް އެޕޮއިންޓްމަންޓް ހަމަޖެއްސޭނެ ކަމަށް އެ ބޭންކުން ބުނެފައިވެއެވެ.

ބީއެމްއެލްގެ ވެބްސައިޓް، https://appointment.bankofmaldives.com.mv/ މެދުވެރިކޮށް ކަސްޓަމަރުންނަށް އެޕޮއިންޓްމަންޓް ޕޯޓަލް އަށް ވަދެވޭނެއެވެ.