މެންޗެސްޓަރ ސިޓީގެ އިއްތިހާދު ސްޓޭޑިއަމް.. ފޮޓޯ: އޭއެފްޕީ
މެންޗެސްޓަރ ސިޓީގެ އިއްތިހާދު ސްޓޭޑިއަމް.. ފޮޓޯ: އޭއެފްޕީ
ކުޅިވަރު 01 Oct 2026 | 08:29

މެންޗެސްޓަރ ސިޓީ މައްސަލާގައި އިއްތިހާދު އެއާވޭސް އިން ޕްރިމިއާ ލީގާ ދެކޮޅަށް ނިކުމެއްޖެ

މެންޗެސްޓަރ ސިޓީން ޕްރިމިއާ ލީގުގެ މާލީ މުއާމަލާތުގެ ގަވާއިދާ ހިލާފްވި މައްސަލާގައި އެންމެފަހުން އެ ކްލަބުގެ މައި ސްޕޮންސަރު  އިއްތިހާދު އެއާވޭސްއިން ޕްރިމިއާ ލީގާ ދެކޮޅަށް ނިކުމެއްޖެއެވެ.

މިކަމާ ގުޅިގެން އިއްތިހާދު އެއާވޭސްއިން ނެރުނު ބަޔާނެއްގައި ބުނެފައިވަނީ، ނުބައި ވިޔަފާރީގެ މުއާމަލާތްތަކެއްގައި އެ އެއާލައިން ބައިވެރިވެފައިވާ ކަމަށް ދޭހަވާ އެއްވެސް ނިންމުމެއް ގަބޫލުނުކުރާ ކަމަށެވެ. އަދި ޕްރިމިއާ ލީގުގެ ތަހުގީގު މަރުހަލާގައި އެ ކުންފުންޏަށް ބަސްބުނުމުގެ ފުރުސަތު ދީފައި ނުވާތީ، ކުންފުނީގެ އަބުރާއި ހައްގުތައް ހިމާޔަތްކުރުމަށްޓަކައި ގާނޫނީ ލަފާ ހޯދަމުންދާ ކަމަށްވެސް އެ އެއާލައިނުން ހާމަކޮށްފައިވެއެވެ. އެގޮތުން ޕްރިމިއާ ލީގާ ދެކޮޅަށް ގާނޫނީ ފިޔަވަޅު އެޅުމަށް ތައްޔާރުވަމުންދާކަމަށް އިއްތިހާދުން ބުންޏެވެ.

ޕްރިމިއާލީގުން މައްސަލަ ބެލިގޮތުން އިއްތިހާދު އެއާވޭސް އިން ވަނީ އިންތިހާއަށް ކަންބޮޑުވުން ފާޅުކޮށްފައެވެ. އެ އެއާލައިނުން ބުނާ ގޮތުގައި، ކޮމިޝަނުގެ ނިންމުމުގައި އެ ކުންފުނީގެ ނަން ސީދާ ބޭނުންކޮށްފައި ނުވި ނަމަވެސް، މައުލޫމާތު އާންމުކޮށްފައިވާ ގޮތުން ކުންފުނީގެ އަބުރަށް ވަނީ ބޮޑެތި ގެއްލުންތަކެއް ލިބިފައެވެ. އަދި ޕްރިމިއާ ލީގުން ކަންކަން ކޮށްފައިވަނީ ބެސްޓްޕްރެކްޓިސްތަކާ ފުށުއަރާގޮތަށްކަންވެސް ވަނީ ފާހަގަކޮށްފައެވެ.

މި މައްސަލައިގައި ސިޓީގެ ބައެއް އެހެން ސްޕޮންސަރުން ކަމަށްވާ ލޫކޯޒޭޑް އަދި ކެލޮގްސް ފަދަ ކުންފުނިތަކުން މިވަގުތު އެއްޗެއް ބުނަން ބޭނުންނުވާ ކަމަށް ބުނެފައިވާއިރު، އިއްތިހާދުން ވަނީ މެންޗެސްޓަރ ސިޓީއާއެކު އޮތް ގާތް ގުޅުން ދަމަހައްޓައި، ކްލަބުން ކުރާ ގާނޫނީ ހަނގުރާމައިގައި ފުރިހަމަ އެއްބާރުލުން ދޭނެ ކަމަށް ބުނެފައެވެ.

މިނިވަން ކޮމިޝަނަކުން ކުރި ތަހުގީގަށްފަހު މެންޗެސްޓަރ ސިޓީ މައްސަލާގައި ނިންމާފައިވަނީ 2009 އިން 2018 އާ ދެމެދު ސިޓީން ވަނީ އެ ކްލަބުގެ އާމްދަނީ އޮޅުވާލައި، 830 މިލިއަން ޕައުންޑަށްވުރެ އިތުރު ކުރުމުގެ ގޮތުން ވިޔަފާރީގެ ބައިވެރިންނާއެކު ސައްހަ ނޫން އެއްބަސްވުންތަކެއް ގާއިމުކޮށްފައިވާކަމަށެވެ. ނަމަވެސް، ސިޓީގެ ޗީފް އެގްޒެކެޓިވް ފެރާން ސޮރިއާނޯ ވަނީ މި ހުރިހާ ތުހުމަތުތަކެއް ދޮގުކުރައްވައި، މިއީ ޕްރިމިއާ ލީގުން ރާވައިގެން ހިންގާ "ކޮންސްޕިރަސީ" އެއްގެ ގޮތުގައި ސިފަކުރައްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.