ޕެނަލްޓީ ޖަހައިގެން ޖަރުމަނު ބަލިކޮށް ޕަރަގުއޭ އަނެއްބުރަށް

ޕެނަލްޓީ ޖަހައިގެން ޖަރުމަނު ބަލިކުރުމަށްފަހު، ވަރލްޑްކަޕް ގަދަ 16 ގެ ޖާގައެއް ޕަރަގުއޭ ހޯދައިފިއެވެ.

ޕެނަލްޓީ ޖަހައިގެން މެޗްގެ ނަތީޖާ ނެރެފައިވަނީ މެޗްގެ ފުރިހަމަ ވަގުތާއި، އަދި އިތުރުވަގުތުގެ ދެހާފްގައި ނަތީޖާ ނުނެރެ ވެމުންނެވެ. މެޗްގެ ފުރިހަމަ ވަގުތު ނިމުނީ 1-1 ގެ ނަތީޖާއިން ދެޓީމް އެއްވަރު ވެގެންނެވެ. ވާދަވެރި ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ ޕަރަގުއޭ އެވެ. އެއީ ފުރަތަމަ ހާފްގެ 42 ވަނަ މިނެޓް ތެރޭގައި އެސެންސިއޯ ޖަހައިދިން ލަނޑުންނެވެ. މެޗްގައި ޖަރުމަނުވިލާތުން އެއްވަރުކުރީ ދެވަނަ ހާފްގެ ކުރީކޮޅު ކައި ހާވާޓްޒް އެވެ.

ޕެނަލްޓީ ޝޫޓްއައުޓަށް ބަލާއިރު ޖަރުމަނުން ޖެހި ދެ ޕެނަލްޓީ ވަނީ ޕަރަގުއޭގެ ކީޕަރު މަތަކޮށްފައެވެ. އެއީ އާސެނަލްގެ ފޯވާޑް ހާވާޓްޒް އާއި ނިއުކާސަލްގެ ނިކް ވޮލްޓެމޭޑް ފޮނުވާލި ޕެނަލްޓީއެވެ.

އޭގެ ފަހުން ބަޔާން މިއުނިކްގެ ޑިފެންޑަރު ޖޮނަތަން ޓާ ފޮނުވާލި ޕެނަލްޓީ ގޯލާ އަމާޒުނުވެ ބޭރަށް ދިޔުމާއެކު، ޕެރަގުއޭގެ ހޯސޭ ކަނާލޭ ވަނީ ފަހު ޕެނަލްޓީ ކާމިޔާބުކޮށް ގަދަ 16 އަށް އެ ޓީމު ގެންގޮސްދީފައެވެ. ގަދަ 16 ގައި ޕެރަގުއޭ ބައްދަލުކުރާނީ ފްރާންސް ނުވަތަ ސްވިޑަންއާއެވެ.

ތަފާސްހިސާބުތަކަށް ބަލާއިރު، 2014 ވަނަ އަހަރު ޖަރުމަނުން ހަތަރުވަނަ ފަހަރަށް ވޯލްޑް ކަޕް ކާމިޔާބު ކުރި ފަހުން، އެޓީމަށް ވަލްލްޑް ކަޕްގެ ނޮކްއައުޓް މެޗަކުން މިހާތަނަށް މޮޅެއް ލިބިފައެއް ނުވެއެވެ. މި މެޗުގެ އިތުރު ވަގުތުގެ ދެވަނަ ހާފުގައި، ކޯނަރަކުން ލިބުނު ބޯޅައެއް ޓާ ބޮލުން ޖަހާ ގޯލަށް ވައްދާލި ނަމަވެސް، ވީއޭއާރްގެ ނިންމުމަކާ ގުޅިގެން އެ ލަނޑު ބަލައެއް ނުގަތެވެ. އެއީ ވޮލްޑެމާ އެންޓަން ކީޕަރު ގިލްއަށް ފައުލް ކުރި ކަމަށް ނިންމުމާ ގުޅިގެންނެވެ. މިއީ ވަރަށް ބޮޑަށް ބަހުސް ކުރެވޭނެ ނިންމުމެއްކަމަށް އެނަލިސްޓުން ފާހަގަކުރެއެވެ.