ރައީސް ބޭނުންފުޅުވެެލައްވަނީ އެމްއެމްޕީއާރުސީ ރީބްރޭންޑް ކުރައްވަން: މިނިސްޓަރ ފައިސަލް
ރައީސުލްޖުމްހޫރިއްޔާ ޑރ މުހައްމަދު މުޢިއްޒު ބޭނުންފުޅު ވެލައްވަނީ އެމްއެމްޕީއާރުސީ ރި ބްރޭންޑް ކުރައްވަން ކަމުގައި މުޅިން އަލަށް އެކުލަވާލި ވިސިޓަރސް ކައުންސިލްގެ ކޯޗެއަރކަން ކުރައްވާ ޓުއަރިޒަމް މިނިސްޓަރ އިބްރާހިމް ފައިސަލް ވިދާޅުވެއްޖެއެވެ.
މިއަދު ރައީސް އޮފީހުގައި ކުރިއަށްދިޔަ ނޫސްވެރިންގެ ބައްދަލުވުމުގައި މިނިސްޓަރ ފައިސަލް ވިދާޅުވީ، އެމްއެމްޕީއަރްސީއަށް މެނޭޖިން ޑިރެކްޓަރަކު އައްޔަނު ކުރެވުނުހާ އަވަހަކަށް އެ ކުންފުނި ރިބްރޭންޑް ކުރުމުގެ މަސައްކަތް ފަށައިގަނެ ވަރަށް ބާރަށް ކުރިޔަށް ގެންދަވާނެ ކަމަށެވެ.
މިހާރު އެތަނަށް (އެމްއެމްޕީއާރުސީ) އަށް އެމްޑީން އެސައިން ކޮށްލެވުނީމަ އެ މަސައްކަތްވެސް ފަށައިގެން ވަރަށް ބާރަށް ކުރިއަށް ގެންދާނަން. ދެން ހަމަ ވަރަށް ތަފާތުކޮށް، ހަމައެކަނި މިހާރު ހުރި މާކެޓުތަކަށް ފޯކަސްނުކޮށް އިތުރު މާކެޓުތައްވެސް އެކަސްޕްލޯ ކޮށްގެން، އެރައިވަލްސް އިތުރުކުރެވޭނީ. ކޮވިޑާއެކީ ވަރަށް ބޮޑަށް ޑިކްލައިންވެފަ މިއޮތީ. މިހާރު މާކެޓުތައް މަޑުމަޑުން ޕީކް ކުރަމުން މިދަނީ
މިނިސްޓަރ ފައިސަލް
މީގެ އިތުރުން މިނިސްޓަރ ފައިސަލް ވިދާޅުވީ، ވިސިޓަރސް އިކޮނޮމިކް ކައުންސިލާއި ޓުއަރިޒަމް މިނިސްޓްރީ އާ އެކީގައި، އެންމެން ގުޅިގެން ރާއްޖެ އަންނަ ފަތުރުވެރީންގެ އަދަދު އިތުރު ކުރެވެން ކުރެވެން ހުރި ހުރިހާ މަސަައްކަތެއް ކުރާނެ ކަމަށެވެ.
ރާއްޖޭގެ ފަތުރުވެރިކަން ޕްރޮމޯޓް ކުރުމުގެ މަސައްކަތް އަދިވެސް ކުރާނީ އެމްއެމްޕީއާރްސީން ކަމަށާއި އެކަން ކުރުމަށް ރީބްރޭންޑު ކުރުން މުހިންމު ކަމަށް ރައީސުލް ޖުމްހޫރިއްޔާ ދެކިލައްވާ ކަމުގައި ފާހަގަ ކުރައްވައި މިނިސްޓަރ އިތުރަށް ވިދާޅުވީ، އަލަށް އެކުލަވާލެވުނު ވިސިޓަރސް ކައުންސިލްގެ ސަބަބުން ރާއްޖެ އިޝްތިހާރުކުރުމާއި ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުކުރުމުގެ ދުވެލި އިތުރުވެގެން ދާނެކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
