ވަޒީފާއިން ވަކި ކުރި މައްސަލައިގައި އަމީނަށް ދެ މިލިއަން ރުފިޔާގެ ބަދަލެއް!

އާ ސަރުކާރުގެ ޓްރާސްޕޯޓް މިނިސްޓަރ މުހައްމަދު އަމީނު އައިލެންޑް އެވިއޭޝަން ގައި އަދާކުރި ވަޒީފާއިން ވަކި ކުރި މައްސަލައިގައި ބަދަލެއްގެ ގޮތުން އެބޭފުޅާ އަށް ދެމިލިއަން ރުފިޔާގެ ބަދަލެއް ދިނުމަށް ނިންމައިފިއެވެ.

1993 ވަނަ އަހަރުން ފެށިގެން އަމީނު މޯލްޑިވިން ގައި އަދާކުރަމުން ދިޔަ ފްލައީތް އޮޕަރޭޝަންސް ޑިރެކްޓަރގެ މަގާމުން 2019 ވަނަ އަހަރު ވަކި ކުރުމާއި އެކު އެމައްސަލަ އަމީން ވަނީ ސިވިލް ކޯޓަށް ހުށައަޅާފައެވެ. ސިވިލް ކޯޓުން ވަނީ އެ މަޤާމު ނުވަތަ އެއާއި އެއްވަރުގެ މަގާމެއް އަމީނަށް 15 ދުވަސް ތެރޭގައި ދިނުމަށް އަމީނާއި އެއްކޮޅަށް ހުކުމްކޮށްފައެވެ. މައްސަލަ ހުށައެޅި އިރުވެސް އަމީން އަށް މުސާރަ އާއި އިނާޔަތް ތަކުގެ ގޮތުގައި 2.8 މިލިއަން ރުފިޔާ އައިލެންޑް އޭވިއޭޝަން ދޭން ޖެހެއެވެ.

ސިވިލް އޭވިއޭޝަންގެ ފަރާތުން އެ ހުކުމް ހައި ކޯޓުގައި އިސްތިއުނާފު ކުރި ނަމަވެސް އިސްތިއުނާފުގެ މައްސަލަ ނިންމައި ހައި ކޯޓުން މިދިޔަ އާދީއްތަ ދުވަހު ކުރި ހުކުމުގައިވާ ގޮތުން އެ މައްސަލަ ކޯޓުން ބޭރުގައި އެކަން ހައްލުކޮށްފައިވާތީ މައްސަލަ ނިމިފައިވާ ކަމަށް ބުނެފައިވެއެވެ.

ހުކުމުގައި ބުނެފައިވާ ގޮތުން، އެއްބަސްވެފައިވަނީ އަމީނަށް 2،202،580.02 ރުފިޔާގެ ބަދަލެއް ދިނުމަށެވެ. އެއީ އޭނާ ވަޒީފާއިން ވަކިކުރި ދުވަހުން ފެށިގެން އެއްބަސްވުމާއި ދޭތެރެއަށް ފާއިތުވި ހުރިހާ ދުވަހަކަށް އޭނާއަށް ދޭން ޖެހޭ މުސާރައާއި އިނާޔަތެވެ.

މި މައްސަލައާއި ގުޅޭ ކޯޓު ލިޔެކިޔުންތަކުން އެނގޭގޮތުގައި މައްސަލަ ކޯޓުން ބޭރުގައި ނިންމައި ބަދަލުދޭން ނިންމާފައި އެގޮތަށް އެކަން ނިންމައި ކޯޓަށް ސިޓީ ފޮނުވާފައިވަނީ 16 ނޮވެމްބަރު 2023 ގައެވެ.