ކުޑަކުދިންގެ ޑޮކްޓަރުންނަށް ބެލޭނީ 16 އަަހަރުން ދަށުގެ ކުދިންގެ ގޮތުގައި ކަނޑައަޅައިފި
ކުޑަކުދިންގެ ޚާއްސަ ޑޮކްޓަރުންނަށް ބެލޭނީ 16 އަހަރުން ދަށުގެ ކުދިން ކަމަށް ސިއްޚީ ވުޒާރާއިން ކަނޑައަޅައިފިއެވެ.
ސިއްޚީ ވުޒާރާއިން އިއްޔެ ގެޒެޓުކުރި އިޢްލާނެއްގައި ބުނެފައިވަނީ ސިއްޚީ ޚިދުމަތްދޭ ތަންތަނުގައި ޚިދުމަތް ދިނުމުގައި ގެންގުޅޭ އުސޫލުތައް އެއްގޮތްކުރުމަކީ މުހިންމު ކަމެއް ކަމަށާއި އެހެން ކަމުން ޢާންމު އުސޫލެއްގެ ގޮތުން ކުޑަކުދީންގެ ޚާއްސަ ޑޮކްޓަރުންނަށް ފަރުވާ ދެވޭނެ ވަކި އުމުރެއް ކަނޑައަޅާފައިވާ ކަމަށެވެ.
އެގޮތުން ކުޑަކުދީންގެ ޑޮކްޓަރުންނަށް ބެލޭނީ 16 އަހަރުން ދަށުގެ ކުދިން ކަމަށް ކަނޑައެޅި ނަމަވެސް އެ ޑޮކްޓަރެއްގެ ކޮންޕިޑެންސީ، ސްކޯޕް އޮފް ޕްރެކްޓިސް އަދި ކޯޑް އޮފް ކޮންޑަކްޓާ ޚިލާފު ނުވާ ގޮތުގެމަތިން އެ ޢުމުރަށްވުރެ ދޮށީ ކުދީންނަށް ފަރުވާ ދިނުމަކަށް ހުރަހެއް ނެތް ކަމަށް ސިއްޚީ ވުޒާރާއިން ބުނެފައިވެއެވެ.
އޭގެ އިތުރުން، އެހެނިހެން ދާއިރާތަކުގެ ސްޕެޝަލިސްޓް ޑޮކްޓަރުން ކުޑަކުދީންނަށް ޚާއްސަ ޑޮކްޓަރުން ކަމުގައި ނުވާ ނަމަވެސް އެ ޑޮކްޓަރުންނަށްވެސް 16 އަހަރުން ދަށުގެ ކުޑަކުދިންނަށް ފަރުވާ ދިނުމުގައި ހުރަހެއް ނެތް ސިއްޚީ ވުޒާރާގެ އިޢްލާނުގައި ބުނެފައިވެއެވެ.
ސިއްޚީ ވުޒާރާއިން ވަނީ އެ އުސޫލަށް ބަދަލު ނުގެންނަހާ ހިނދަކު އެ އެންގުމާ އެއްގޮތަށް ޢަމަލު ކުރުމަށް އިލްތިމާސްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
