ޔުމްނާ މައުމޫންގެ ތާއީދު ރައީސް ޞާލިޙަށް
މިސަރުކާރުގެ ހެރިޓޭޖް މިނިސްޓަރު ކަން ކުރައްވަމުން ގެންދަވާ ޔުމްނާ މައުމޫން ކުރިއަށް އޮތް އިންތިޚާބުގައިވެސް މިހާރުގެ ރައީސް އިބްރާހިމް މުޙައްމަދު ޞާލިޙަށް ތާއީދު ކުރައްވާނެ ކަމަށް ވިދާޅުވެއްޖެއެވެ.
ރާއްޖޭގައި 30 އަހަރު ވެރިކަން ކުރެއްވެވި ރައީސް މައުމޫންގެ ދަރިކަނބަލުން ޔުމްނާ މައުމޫން ރައީސް ޞާލިޙަށް ތާއީދު ކުރައްވާކަމަށް ވިދާޅުވެފައިވަނީ އޭނާ ކުރައްވަވާފައިވާ ޓްވީޓެއްގައެވެ.
ޔުމްނާ ވިދާޅުވެފައިވަނީ ޤައުމުގެ ހަމަޖެހުމާއި ތަރައްޤިއަށް ރައީސް ޞާލިޙް ދެވަނަ ދައުރަކަށް އިންތިޚާބު ކުރުމަކީ މުހިންމު ކަމެއް ކަމަށް ޤަބޫލުކުރައްވަވާކަމަށެވެ.
"ރައްޔިތުންނަށް ލުއިފަސޭހަ ކޮށްދޭން މި ސަރުކާރުން ފަށާފައިވާ މުހިންމު މަސައްކަތްތަކާއި މަޝްރޫޢުތައް ކުރިޔަށް ގެންދިޔުން މުހިންމު" ޔުމްނާ ވިދާޅުވެފައިވެއެވެ.
ޔުމްނާ ރައީސް ޞާލިޙަށް ތާއީދު ކުރައްވަން ނިންމަވާފައިވާއިރު ޔުމްނާގެ އެއްބަނޑުއެއްބަފާ ބޭފުޅެއް ކަމަށްވާ ފާރިސް މައުމޫން ވެސް ރިޔާސީ އިންތިޚާބުގައި ވާދަކުރައްވަވައެވެ.
ޣައްސާން މައުމޫނު ހުންނެވީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުޢިއްޒުގެ ފަހަތްޕުޅުގައެވެ.
ދުންޔާ މައުމޫން ހުންނެވީ އެމްއެންޕީގެ ރިޔާސީ ކެންޑިޑޭޓް މުހައްމަދު ނާޒިމްގެ ފަހަތްޕުޅުގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
