މޫލީން ހޮރައިޒަން ފިޝަރީސްއާއި ގުޅިގެން މަސްދަޅު ހަދިޔާ ޕެކުތަކެއް ތައާރަފްކޮށްފި

އުރީދޫގެ މޫލީން ހޮރައިޒަން ފިޝަރީޒާ ގުޅިގެން މަސްދަޅުގެ ހަދިޔާ ޕެކްތަކެއް ތަޢާރަފްކޮށްފި އެވެ.

އެގޮތުން މޫލީން ވަނީ ހަތަރު ވައްތަރުގެ މަސްދަޅުގެ ހަދިޔާ ޕެކް ތަޢާރަފްކޮށްފަ އެވެ. އޭގެ ތެރޭގައި ހިމެނެނީ 150ރ. ގެ ދެ ޕެކާއި 160ރ. ގެ ޕެކަކާއި 145ރ. ގެ ޕެކެކެވެ.

މޫލީން ތަޢާރަފްކުރި 150ރގެ އެއް ޕެކަކީ ހަބަނޭރޯގައި ހަދާފައިވާ ކަނޑުމަސް ތިން ދަޅާއި ހިކި މިރުހުގައި ކަނޑުމަސް ހަދާފައިވާ ދެ ދަޅާއި ކަނޑުމަސް ސަންފްލާވާ އޮއިލް އަދި ކަނޑުމަސް ބްރައިންގައި ހަދާފައިވާ އެއް ދަޅާއި މަސްހުނި އެކްސްޓްރާ އޮއިލް އާއި މަސްހުނި ނޯމަލް އަދި މަސްހުނި ޒީރޯ ޗިލީ ދަޅު ހިމެނޭ ޕެކެކެވެ.

މޫލީގެ 160ރ އަށް ދޭ ޕެކުގައި  އޮލިވް އޮއިލްގައި ހަދާފައިވާ ކަޅު ބިލަ މަހާއި ސަންފްލާވާ އޮއިލް އަދި ސަންޑްރައިޑް ޓޮމާޓޯގައި ތައްޔާރު ކޮށްފައިވާ ކަނޑުމަހާއި ސަންފްލާވާ އޮއިލް ލެމަން އެންޑް ޕެޕާގައި ހަދާފައިވާ ކަނޑުމަހާއި ސަންފްލާވާ އޮއިލް ލެމަން އަދި ތައިމްގައި ހަދައިފައިވާ ކަނޑުމަސް ދަޅާއި ލޮނުމެދާއި ހާބް އަދި ސަންފްލާވާ އޮއިލްގައި ހަދާފައިވާ ކަނޑުމަސް ދަޅު ހިމެނޭ ޕެކެކެވެ. މި ޕެކްގައި އެ އިން ކޮންމެ ވައްތަރެއްގެ ދެ ދަޅު ހިމެނެއެވެ.

މޫލީގެ 145ރ. އަށް ލިބޭ ޕެކްގައި ހިމެނެނީ މަސްހުނި އެކްސްޓްރާ ޗިލީ އާއި މަސްހުންޏާއި މަސްހުނި ޒީރޯ ޗިލީ އާއި ހަބަނޭރޯގައި ހަދާފައިވާ ކަނޑުމަސް ދަޅާއި ސަންފްލާވާ އޮއިލްގައި ހަދާފައިވާ ކަނޑުމަސް ދަޅެވެ. އެ އިން ކޮންމެ ދަޅެއްގެ ދެ ދަޅު އެ ޕެކްގައިވެސް ހިމެނެއެވެ.

އޭގެ އިތުރުން މޫލީއިން ތަޢާރަފްކުރި 150ރ އަށް ލިބޭ ދެވަނަ ޕެކްއަކީ ޕެކް އެކެއް، ދޭއް އަދި ތިނެއްގައި ހިމެނޭ ހުރިހާ ދަޅެއް ހިމެނޭ ޕެކެކެވެ. ކޮންމެ ވައްތަރަކުން ވެސް އެއް ދަޅު އެ ޕެކްގައި ހިމެނޭނެއެވެ.

މޫލީ މެދުވެރިކޮށް މިހާރު މި ޕެކުތަކަށް އޯޑަރުކުރެވޭނެ އެވެ. އަދި މޫލީ މެދުވެރިކޮށް އޯޑަރު ދިނުމުން ރާއްޖޭގެ ކޮންމެ ހިސާބަކަށްވެސް މި ޕެކުތައް ފޯރުކޮށްދެވޭނެކަމަށް އުރީދޫން ވަނީ ބުނެފައެވެ.