ޕީޕީއެމް/ޕީއެންސީ އަކީ “އެންމެ ފުރަތަމަ ޤައުމު” އިސްކުރާ ދެޕާޓީ: ޢަބްދުއްރަޚީމް
ޕީޕީއެމް އަދި ޕީއެންސީ އަކީ “އެންމެ ފުރަތަމަ ޤައުމު” އިސްކުރާ ދެޕާޓީ ކަމަށް ޕީއެންސީގެ ރައީސް އަދި ސްޕެޝަލް އެޑްވައިޒަރ ޓު ދަ ޕްރެޒިޑެންޓް ޢަބްދުއްރަޚީމް ޢަބްދުﷲ ވިދާޅުވެއްޖެއެވެ.
ޢަބްދުރަޙީމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޢަބްދުރަޙީމް ވިދާޅުވެފައިވަނީ ޕީޕީއެމް އަދި ޕީއެންސީ އަކީ “އެންމެ ފުރަތަމަ ޤައުމު” އިސްކުރާ ދެޕާޓީ ކަމަށާއި، އެބޭފުޅުން ތިއްބެވީ ދިވެހިންގެ ނިންމުމާއި އެކު ރައީސް ޑރ މުޙައްމަދު މުޙައްމަދު މުޢިއްޒު އެކު ފިސާރި ސާބިތުވެގެން ކަމަށެވެ.
“މާތްﷲގެ ވާގިފުޅާއި އެކު ރައީސް ޑރ މުޢިއްޒުގެ ސަރުކާރު ވެގެން ދާނީ ދިވެހި ޤައުމާއި ރައްޔިތުންނަށް އުފާ ފާގަތިކަން ގެނެސްދޭ ސަރުކާރަކަށް” ޢަބްދުރަޙީމް ވިދާޅުވެފައިވެއެވެ.
މީގެ އިތުރުން ޢަބްދުއް ރަޙީމް ވިދާޅުވީ ފަސްއެނބުރި ބެލުމެެއް ނެތި އެބޭފުޅުން ދާނީ ކުރިއަށް ކަމަށާއި، ދިވެހި ރައްޔިތުން ރައީސް ޑރ މުޢިއްޒާއި އެކު ސާބިތުވެ ތިބުމަކީ ޤައުމާއި ރައްޔިތުނަށް އޮތް އެންމެ ރަނގަޅު ގޮތް ކަމަށެވެ.
“އަޅުގަނޑުމެން ކޮންމެ މީހަކަށްވުރެ މި ޤައުމު ބޮޑު” ޢަބްދުއް ރަޙީމް ވިދާޅުވެފައިވެއެވެ.
ޢަބްދުރަޙީމްގެ މިފަދަ ޓްވީޓެއް އައިސްފައިމިވަނީ ވެރިކަން ކުރާ ޕީއެންސީ/ޕީޕިއެމް ގެ ކޯލިޝަންގެ ތެރޭގައި މައްސަލަ ތަކެއް ޖެހި އެ ކޯލިޝަންގެ މުހިންމު ޝަހްސިއްޔަތެއް ކަމަށްވާ ކުރީގެ ރައީސް ރައީސް އަބްދުﷲ ޔާމިން ޕީޕީއެމް ދޫކުރައްވާ އައު ޕާޓީއެއް އުފެއްދުމުގެ މަސައްކަތް ފައްޓަވައިފައިވާ ދަނޑިވަޅެއްގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
