ބޯންމައުތާ ދެކޮޅަށް ޔުނައިޓެޑް ކުޅުނު މެޗްގެ ތެރެއިން.. ފޮޓޯ: ޔާހޫ ސްޕޯޓްސް
ބޯންމައުތާ ދެކޮޅަށް ޔުނައިޓެޑް ކުޅުނު މެޗްގެ ތެރެއިން.. ފޮޓޯ: ޔާހޫ ސްޕޯޓްސް
ކުޅިވަރު 26 Oct 2026 | 07:54

ބޯންމައުތު ކައިރިންވެސް މެންޗެސްޓަރ ޔުނައިޓެޑަކަށް ސަލާމަތެއް ނުވެވުނު

އިނގިރޭސި ޕްރިމިއާލީގްގައި ރޭ ބޯންމައުތު އަތުން ބަލިވެ، މެންޗެސްޓަރ ޔުނައިޓެޑަށް އިތުރު ނުތަނަވަސްކަމާ ކުރިމަތިލާން ޖެހިއްޖެއެވެ.

ބޯންމައުތާ ދެކޮޅަށް ކުޅުނުމެޗުން މެންޗެސްޓަރ ޔުނައިޓެޑް ބަލިވީޯ 3-0 ގެ ނަތީޖާއިންނެވެ. ވިދިވިދިގެން މޮޅެއް ނުލިބި 8 މެޗް ފަހަނައަޅައި ގޮސްފައިވާއިރު، މެންޗެސްޓަރ ޔުނައިޓެޑް އެންމެފަހުން މިފަދަ ހާލަތަކަށް ގޮސްފައިވަނީ 2015 ވަނަ ސީޒަނުގައެވެ. މިމެޗުން ބަލިވުމުން އެންމެ ބޮޑު ޕްރެޝަރެއް ކުރިމަތިވީ ކޯޗް މައިކަލް ކެރިކަށެވެ. މީގެ ކުރިން މެޗް ނިމުމާއެކު ސަޕޯޓަރުންނާ ސަލާމްކުރިނަމަވެސް މިމެޗް ނިމުމަށްފަހު އެކަމެއް ނުފެނެއެވެ. އެހެންކަމުން ކެރިކްގެ މުސްތަގްބަލާމެދު ސުވާލު އުފެދިފައިވާކަމަށް އިނގިރޭސި މީޑިއާތަކުން ވަނީ ބުނެފައެވެ.

މެޗުގެ ފުރަތަމަ ހާފު ފެށިގެން ބޯންމައުތުގެ ކުޅުންތެރިން ދިޔައީ ޔުނައިޓެޑްގެ ޑިފެންސަށް ބާރުބޮޑުކުރަމުންނެވެ. ނަތީޖާއެއްގެ ގޮތުން ބޯންމައުތުން ވަނީ 38 ވަނަ މިނެޓް ތެރޭގައި ލީޑް ނަގާފައެވެ. މި ލަނޑު ކާމިޔާބުކޮށްދިނީ ރަޔާންއެވެ. ޔުނައިޓެޑުން ނަތީޖާ ހަމަހަމަކުރުމަށް މަސައްކަތް ކުރަމުން ދަނިކޮށް، ފުރަތަމަ ހާފު ނިމެން ކައިރިވެފައި ވަނިކޮށް ލެނީ ޔޯރޯއަށް ހެދުނު ގޯހެއްގެ ފައިދާ ނަގައި މާކަސް ޓެވާނިއާ ވަނީ ބޯންމައުތުގެ ދެވަނަ ލަނޑު ޖަހައިދީފައެވެ. މި ލަނޑާއެކު އޯލްޑް ޓްރަފޯޑްގެ ބައެއް ސަޕޯޓަރުން މެޗު ނިމުމުގެ ކުރިން ދަނޑު ދޫކޮށް ދާން ފެށި މަންޒަރު ފެނުނެވެ.

ދެވަނަ ހާފުގައި ވެސް ޔުނައިޓެޑްގެ ފަރާތުން ފެނުނީ ވަރަށް އާދައިގެ ކުޅުމެކެވެ. ޚާއްޞަކޮށް ޒުވާން ކުޅުންތެރިޔާ އޭޑަން ހެވަންގެ ފަރާތުން ތަކުރާރުކޮށް ގޯސްތައް ފެނިގެންދިޔައިރު، ބޯންމައުތުން ވަނީ އޭގެ ފައިދާ ނަގަން މަސައްކަތް ކޮށްފައެވެ. ޔުނައިޓެޑް ކުޅުންތެރިން މާޔޫސްވީ ކީޕަރު ސެނޭ ލެމެންސްއަށް ހެދުނު ބޮޑު ގޯހަކުން، އެވަނީލްސަން ބޯންމައުތުގެ ތިންވަނަ ލަނޑު ކާމިޔާބުކުރުމުންނެވެ.

މެޗުގެ ފަހު ވަގުތުކޮޅުގައި ޔުނައިޓެޑުން ލަނޑެއް ޖެހޭތޯ ބައެއް ހަމަލާތައް އުފެއްދި ނަމަވެސް، ބޯންމައުތުގެ ކީޕަރު ޕެޓްރޮވިޗް ވަނީ ހުށިޔާރުކަމާއެކު އެ ހަމަލާތައް ދިފާއުކޮށްފައެވެ.

މި ނާކާމިޔާބީއާއެކު ޔުނައިޓެޑްގެ ސަޕޯޓަރުން ވަނީ ކްލަބުގެ މެނޭޖްމަންޓާއި ވެރިންނަށް ނުރުހުން ފާޅުކޮށްފައެވެ. ދަނޑުގައި ތިބި ސަޕޯޓަރުން ވަނީ ކްލަބުގެ ވެރިން ކަމަށްވާ ގްލޭޒާ އާއިލާ ކްލަބުން ވަކިވުމަށް ގޮވާލައި އަޑުއުފުލާފައެވެ. .

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.